Amur-nneɣ d asayes ! : Taggara n lexrif

DDK

Amur-nneɣ d asayes ! : Taggara n lexrif

 

Tagara n lexṛif …aman d iḥemmalen, igefran, agu ,  aḍu. Tɛemmer-d tegnawt yal imi ara as-nini a teṣfu, aɣ-d-tban tafat, a nesriḥ tafsut xeṛsum d rriḥa-s ! Mi teṣfa kra n wass, nettaf abrid i lexla : Lqeḍ n uzemmur, zzit n tmurt, tinna akken ɣ-yessidiren.Rriḥa n wakal d idammen.D iwiziwen, win yugaren wayeḍ a wer t-iɛin ! Ad tuɣal daɣen a teɛmer tegnawt, ad yeɣli yiṭij, ad iwwet ugeffur alma yegla-d s webruri ara d-yemmaren am terṣaṣin yettcelqifen tiṛwiḥin, di tsusmi.Di tmurt n lxali, kulci yesserhab.Imdanen ikcem-iten lxuf, ur iban i yugaden :Ugaden ɣef wayla-nnsen, ugaden ɣef yiman-nnsen, ugaden, wissen d acu ? Lɣaci yeffeɣ-it leɛqel.Akken ara d-yeɣli ṭṭlam, tarewla ay iḥbiben.Wiṭ wiṭ, win yesɛan taxjiṭ yaweḍ-itt !!!Nɛuzzeg ur nsel : tukksiwin n sser, qebbaḍ leṛwaḥ, tukerḍa.Kulci yegguni-yaɣ, di tmurt n lxali :A nenz am lmal, a nemmet am yeqjan, ad yeɣli lwerq-nneɣ, d taggara n lexrif…

Zira

Comments

[mohand]

Ougadhagh...laarour ourensaa ifaddene,zagdhen lahdhour alami tseklene;
J'ai reagit a l'article sur le festival surtout par depit car j'estime que par ce genre de manifestations que l'on rehaussera le niveau a condition biensure qu'elles soient entre de bonnes
mains.
salutations