Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
/http%3A%2F%2Fwww.depechedekabylie.com%2Fphotos%2F2232%2F2232_76548.jpg)
Ass n 12 deg ctember 2009, tensa tcemmaεt i d-yefkan tafat i yidles n teqbaylit s umeddeḥ ɣef ddin neɣ ttedkir, wagi d ccix Meqqran Agawa, d temkerḍit n tmedyazt n ddin s teqbaylit. Meqqran Agawa, isem-is aheqqani Waεli Muḥand Ameqqran, ilulu deg useggas 1929 deg taddart At Ɛṭelli deg temnaḍt n Larebεa n At Yiraten, anda yettwamḍel ass n lḥed 13 ctember 2009. Aṭas n yemdanen i d-yusan ɣer temḍelt-is deg yal tamnaḍt n tmurt iwakken ad t-ẓren i tikelt taneggarut, gar-asen icennayen, inaẓuren, imḍebbren n temnaḍt n Larebεa n At Yiraten d yimḍebbren n tenmehla n yidles n Tizi-Wezzu.
Dda Meqqran d anaẓur s wazal-is, yeğğa-d idles d tigejdit swayes ara tbedd tɣerma taqbaylit. Yesekles 11 tesfifin deg umecwar-is. Ccix Meqqran Agawa yessen aṭas n yinaẓuren iqburen gar-asen Sliman Ɛazem, ccix Lḥesnawi, Zezruqi Ɛellawa, Ṭaleb Rabaḥ d wiyaḍ-nniḍen. Yebda ccna asmi yesεa 15 yiseggasen deg leεmer-is. Seg yimiren yekcem deg lebḥer n tẓuri lqayen mačči d kra. Aseggas 1950, yekcem ɣer radyu n Bgayet anda i d-yekkes tamusni akked waṭas yinaẓuren-nniḍen n lawan-nni, am Ɛebdelwehhab Abjawi, ccix Sadeq, atg. Yelḥa-d akken amecwar almi d aseggas 1962 i yeḥbes axeddim deg radyu n Bgayet, labeεda imi medlent tewwura-ines i lebda. Agawa d isem swayes i as-sawalen yemdukal-is d wid ixeddem deg radyu. Isem-agi yekka-d deg lεerc Igawawen neɣ At Yiraten, anda i ilul.
Mi d-yeffeɣ Dda Meqqran deg radyu aseggas n 1962, yewwi abrid ɣer radyu taɣelnawt n teqbaylit aseggas n 1972, maca ur iεeṭṭel ara yeḥbes-d, dɣa deg yimiren yefren abrid n tẓuri s cnawi-ines d umeddeḥ ɣef ddin.
Ayen i d-yeğğa d agerruj ur nettkafa. Gar tezlatin yecna, “Larebεa tin iwumi zzin leswar”, d tajmilt i temnaḍt-is. Yecna daɣen ɣef cbaḥa n tmurt-is, ɣef ṣellaḥ, ɣef laxert. Dda Meqqran yedda aṭas ɣef temεemrin. Idum deg temεemmart n Sidi Ɛmar-Welḥağ i d-yezgan deg temnaḍt n Wizgan, anda yettmeddiḥ ilmend n tmeɣriwin n ddin am tεacurt, lmulud, leεyudat, remḍan, aggur ideg yewweḍ leεfu Rebbi.
Islam Bessaci
/http%3A%2F%2Fwww.lemague.net%2Fdyn%2Flocal%2Fcache-vignettes%2FL200xH300%2Farton3745-819aa.jpg)
/http%3A%2F%2Fimg.youtube.com%2Fvi%2FFsMMoogEf0g%2F0.jpg)
/http%3A%2F%2Fwww.lematindz.net%2Fthumbnail.php%3Ffile%3D2013%2F03%2Fkabylir_360911333.jpg%26amp%3Bsize%3Darticle_medium)
/http%3A%2F%2Fwww.liberte-algerie.com%2Fimages%2Ffacebook.png)