Overblog Suivre ce blog
Administration Créer mon blog
25 octobre 2008 6 25 /10 /octobre /2008 15:04

Anwa i k-yerran d awkil
Ay abeṛiḍ ugertil
Ur nettirid ur nettγar

Ay aken i k-yehwa ṭṭebil
Yibbwas a-k neḥtil
Tamaziγt tebra ar tt-nγar

Mačči t-tameγrust n tterkil
Neγ d ayla n sbil
D iles n wedrar aḥṛar


Ukerdis,
http://www.tamazgha.org/uploads/4/2/2/3/422318/av_v14_1_pages.pdf

Repost 0
Published by iflisen - dans Poésie
commenter cet article
25 octobre 2008 6 25 /10 /octobre /2008 15:02






ay aṣefṣaf
tayri tesseknaf
ata wul yennetlaf
ur yeẓṛi anida ar'a-t naf

ay azraraf
ncedha tirezzaf
ur-aγ ssendaf
a tayri ur nezggil leryaf

ay ul ay acnaf
yeṛwan tikuṭṭaf
teḍṛa yidi am igufaf
yeččan seksu ur yufaf
Ukerdis

Repost 0
25 octobre 2008 6 25 /10 /octobre /2008 14:58

aṭṭḥa nemlil


nemyusan aṭṭḥa nemlil
a tağeğigt ifawen
a tin i-yi gan awri
turezḍ-i deg-selkimen
yerna uγeγ tanumi
s isefra-m yettdawayen

nemwalaf werğin nemlil
a tufrint n igawawen
akud yidem yettiwzil
a mm tayri yettlehlihen
iγaḍ-i ṛṛehn-iw aḥlil
wisen ma-kem ẓṛent walen
Ukerdis

aṭṭḥa : werğin s teqbaylit tasaḥlit
iselkimen : ordinateurs


Repost 0
19 octobre 2008 7 19 /10 /octobre /2008 20:25

Talafsa


ulama ngen a tukyist
yuqaε nadam ger walen
nekwni ur nteddu tidist
ur neḥwağ iḥeddaden
i-γ yeğğan necba tisist
ay neẓḍa deg-selkimen

talafsa terfed taddist
ziγma ggwten imcumen
uḥeq Timeẓṛit tiflist
tina yuεan s Imẓalen
d wid i tesdeγ tunḥist
i-γ yenfan seg iflisen

yal tiyita deg-i s tefḍist
isefra-m sduqqusen
ma d wid tessedha dunit
ččan am izgaren ṭṭsen
Ukerdis

Repost 0
19 octobre 2008 7 19 /10 /octobre /2008 01:13



ay abuεammaṛ

ay abuεammaṛ, kečč ur d-eqqaṛ
acuγeṛ i nezgger lebḥaṛ
ay abuneqqar, d-yemγin deg uzaγar
tamurt m-meden tewεaṛ
ur-s qqaṛ a lğuhaṛ, nelha d umenḍaṛ
yezri usekkud iss nẓaṛ
ay ahaqaṛ, amγaṛ ur yettṛebi amγaṛ
asγaṛ ur ineğğeṛ asγaṛ
ay ajebaṛ, ur ḥeddaṛ i wxessaṛ
a win i issuddumen anẓaṛ
a εemmi fuṛaṛ, tagrest-ik tewεaṛ
deg ugafa yezga sseṛsaṛ
ay aggur imdewaṛ, ata ul yejjunjaṛ
yuli-d γef udm iw leγyaṛ
ay abuεammaṛ, abrid-a naḥcaṛ
tamurt iw terγa ar amnaṛ
ay adrar n lḥaṛ, seg i d-nuγ aẓaṛ
aqli amm iččan ḥenneğγaṛ
ay abuneqqaṛ, kečč ur d-eqqaṛ
ur nezmir a-d nerr ttaṛ
Ukerdis

ahaqaṛ : corbeau en riffain
ḥenneğγaṛ : poison

Repost 0
18 octobre 2008 6 18 /10 /octobre /2008 00:27



Ajaγiγ

Ay Ajaγiγ aberzegzaw,
I serrun di tegnaw,
Neyyr-as acu tettrajuḍ




 


 Ezger agumaḍ i ugaraw
A tmurt n uzwaw
Anda yettarew ubelluḍ

 Ak-nazen ay ameṣfaw
Zwir si Budwaw
Lweḍat icebbeḥ jiḥbuḍ

 In-asen inig yuzdaw,
Uqleγ d agafaw,
Ksiγ di lexla am uziḍuḍ

 A tamurt ixla usegraw
Issendayen uraw
Acu ara d-yekken seg ugmuḍ

 Zgan deg-m d acraw
Adabu yejjağaw
Erran agdud d amejṛuḍ

Nfan wi llan d amusnaw
Ur d-yeqqim udelsaw
Tsaqin s aggug am ubuḍ

Ay Ajaγiγ aberzegzaw
Lezzayer tekkaw
Amdan-is yuγal d amsuḍ

Ukerdis

Repost 0
17 octobre 2008 5 17 /10 /octobre /2008 23:44




Timeẓrit


Uḥeq adrar n Tmeẓrit
D wid yeṛwan tawaγit
Di tmurt yettṛebbin iḍan

Seg asmi d-nekker a ddunit
Nekwni deg ttemrit
Waqila nluled i yberdan

Mi nesεa argaz nweddef-it
Ay nuklal t-tiγrit
Deg naγ ad gezren isγan

Tamurt d-yefkan itran
D irgazen yeṣṣfan
Ass-a la tkenu i twaγit

At tissas ddan kfan
Deg utaram jlan
D izan ig-gzedγen tiḍwirt

La nettendduruz am yiḍan
Nluled i-yiberdan
Awes-aγ ay Uzmir amγit
Ukerdis

Repost 0
16 octobre 2008 4 16 /10 /octobre /2008 21:09

 

Eṭseγ almi yezgen yiḍ
Sliγ i wegṭiṭ yefrawes
A tamγaṛt γileγ d yellim
Id yusan ad-i twanes
Ziγman tenuγna am nek
Yegguma at-tid yas yiḍes

 

 

 

 

Paon bleu, images du paon




Ukerdis


Repost 0
Published by Ukerdis - dans Poésie
commenter cet article

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens