Overblog Suivre ce blog
Administration Créer mon blog
6 mars 2009 5 06 /03 /mars /2009 22:48




http://musickabyle.musicblog.fr/383771/ASSAM-MOULOUD-Aqlalas/


http://www.dailymotion.com/video/x1vljv_ali-amran-ay-aqlalas-karastars-kaby_music



Ay aqlalas
ssbaε bu tissas
axelxal ablidi abeldi
krehn-iyi meden fellak
ahat nnan-k
nek ḥesbek seg lwali
s yixef ay yegguleγ
almi yi- teğğiḍ weḥdi
hay hay hay

af asen mi gruḥ iflis
mi nerra sslam-is
netta iṛuḥ
nekwni nṣubb-d
a tağaεbubt bbegris
yecbaḥ weksum-is
deg ul-iw ur yettif ḥed
mi sliγ wi-d yebdern ism-is
yebbeḍ-d lexyal-is
s imeṭṭi la nεebba-d

lḥaṛa n baba d layas
mi εeddaγ tilas
ḥsiγ lγurba-w tḍul
asmi i yebγa uεsas
nettmeẓra kull ass
nekwni d leḥbab neddukul
ma d tura trab γer llsas
kulci bniγ fellas
erriγ-as tablaṭ i wul

lεaslama-inek a lbabuṛ
azegzaw innuṛ
a win-a yeddelwiḥen
sslam i-k uzneγ awit
lamaεna siwḍi-t
awit akw i yiγriben
innas i yitbir n ssuṛ
γurek di leγrur
tuεeṛ yellis medden

Ay γliγ ar lbir s llqed
leslak ulaḥed
a yemma qrib i yečči
lmuja felli tẓedm-d
iẓri yessertem-d
di lγurba ḥed ur nessi
Txilek ay ul-iw ḍekker-it
Ṛebbi ur yeγliḍ ḥed
Ncallah ad nezgger ssalmin




Amawal :

Aqlalas: aseqqa , gourmand, envieux

Repost 0
Published by iflisen - dans Poésie
commenter cet article
6 mars 2009 5 06 /03 /mars /2009 22:03







Ay aḍu ihuzen aṣefṣaf
Tayri tesseknaf
A tasmunt wellah ar nuyes

Yerra-yi lḥewj ar wacnaf
Azwag isencaf
Ssensed ay Uzmir times

Tufrint iy-izedγen lkaf
Win ur tt yettaṭaf
D kečč i tra d amwanes

Repost 0
Published by iflisen - dans Poésie
commenter cet article
6 mars 2009 5 06 /03 /mars /2009 00:21


Maγres

Ay ul yettnujen am aḍu
ttimura n meden iεenuγ
am uzgaεbun γef_seklu
taṣebḥit i d am cennuγ
tettaγ-ikem deg usu
a tina f aken ttargguγ


Taγect-im tecba times
neγ ifeṭṭiwej deg utemu
nekkini γuri a ṭṭawes
d kem i d ddwa n ḥellu
a tasmunt ur ttayes
akud ad yezri am aḍu

Repost 0
Published by iflisen - dans Poésie
commenter cet article
5 mars 2009 4 05 /03 /mars /2009 22:34



tamrikt ugafa

Aqli g temrikt ugafa 
La beṭṭuɣ aɣrum s lmus
Asmi i-y lliɣ ar yemma
D seksu ifetlen s ufus
S lḥess i teẓẓad tujjma
Nejla aṭṭas mačči drus

Aqli g temrikt ugafa 
Ǧğiγ d adriz-iw mesus
Rewleɣ d si tmurt n baba
Am tasa yebḍan s lmus
Ǧğiγ  tadart ufella
Nejlaɣ-d bla abernus


tamrikt ugafa : Amérique du Nord

Repost 0
Published by iflisen - dans Poésie
commenter cet article
5 mars 2009 4 05 /03 /mars /2009 10:57


Yekfa caṭerwal



Ṛcac tagut neẓemlal
Yekfa caṭerwal
Tura mi-tt id neseγres


Abrid-a yenser ckkal
Netwaweḍ deg-uzal
Ssaγen deg naγ times


Ur nettuγal deg awal
Si zik d agrawal
Uqbayli mara d-ibges


Nerkeb af tidet ar cwal
Zdat umaḍal
Ayla-naγ ḥed ma-t yeεfes


 

caṭerwal : zig-zag (motifs de décoration berbère)
amaḍal : monde (càd opinion internationale)

Repost 0
Published by iflisen - dans Poésie
commenter cet article
2 mars 2009 1 02 /03 /mars /2009 13:34


Ad inniγ

Aytma innit-ed ayγeṛ
Ur nezdiγ deg yiwet tmurt
Yalwa s anida i-t tḍeggaṛ
Mi-d ewet lmuja n tmurt
Nekwni tzegreγd amecwaṛ
Mačči d ayen i-d nettnunnut


Ayla naγ ččant iγuṛaṛ
Ur d-teggwri ula t-tazemmurt
Tura mi g-geffeγ waεbaṛ
Leqraṛ-is kan d amaynut
Tanekra ennaγ d sseṛssaṛ
Neẓemlal ṛcac tagut

Ad inniγ awal d imceṛceṛ
Sell-as m ur telliḍ d lγafel
Tura iffeγ-d ar lber
Kra iḍergen deg udfel
Skud ur terriḍ aḍaṛ
Mazal ad yeḍṛu lbaṭel


Ad inniγ awal d imceṛceṛ
Sell-as m ur telliḍ d unggif
Nukid qrib ṭṭṛuṭaṛ
Nuffad iman naγ di rif
Zik nfan-ak seg uzaγaṛ
Ass-a seg udrar n ennif

 

Repost 0
Published by iflisen - dans Poésie
commenter cet article
28 février 2009 6 28 /02 /février /2009 02:51



Ay agṭiṭ areqman
ittunagen g wellili
abrid ar γures iban
ay adlil aεjel tikli
a Guraya i-tt yencan
 aṭḥa i nceṛṛeḍ lwezγi


Ay abellireğ umlil
Yetnujen nig usigna
Mačči tardast neγ iγil
i tettcerigeḍ di tmura
γit-itt ay Uzmir utwil
tina yebγa wul γaya

Ay aziḍuḍ umlil
Akud la iteddu s tazla
Nek yeğğan s ut umendil
Zegreγ ilel d azegza
Teḍra-yi am ayla nesbil
Neγ isγi i tḥuza cetwa


ay adlil aεjel tikli: oiseau mon témoin hâte-toi
aṭḥa i nceṛṛeḍ lwezγi : jamais on n'a réclamé l'impossible

Repost 0
Published by iflisen - dans Poésie
commenter cet article
28 février 2009 6 28 /02 /février /2009 01:00


Igṭaṭ iminigen




Ay igṭaṭ yezrin sani
tumẓem aka aγaras
teččuččiyem deg_geni
terram metwal Awqas
deg At Mbaṛek i-tettili
tasmunt-iw rzut fellas

Ay igṭaṭ yezrin ayγeṛ
a-γ teğğem g-deflawen
ğğt-aγ nekwni anjunjeṛ
saḥel yuγal d ayla nwen
am ass-a iṭij ad inqqeṛ
ad nezgger i igarawen



igṭaṭ : oiseaux
ameẓ : prendre
aγaras : chemin, voie
metwal : vers
Awqas : Aokas
tasmunt : bien aimée
igarawen: les océans



Ibelurağ n Darguina !


Repost 0
Published by iflisen - dans Poésie
commenter cet article
27 février 2009 5 27 /02 /février /2009 23:59



Dda Lmulud akw d Iguraren





Zizu akw d Iguraren (zaεma zaεma)






Yenna-yas Sidi Qala n At Jlil (sud-ouest de Bougie)
(Mammeri, "Poèmes Kabyles Anciens)


D acu i gzedγen luεuṛ
d lbaz akw d imiεṛuf

D acu i gzedγen lγaba
d izem akw d uḥelluf

D acu i gzedγen tudrin
d uḥdiq akw d wunguf

Txilek a lbaz
ur ii ttağğa s imiεṛuf
Ay izem
ur ii ttağğa s aḥelluf
Ay uḥdiq
ur ii ttağğa s unguf

Repost 0
Published by iflisen - dans Poésie
commenter cet article
26 février 2009 4 26 /02 /février /2009 22:16


Agṭiṭ n meγres

Uffiγ agṭiṭ n Ṭṭawes
Yecbeḥ ireyyes
La icennu deg isaḥliyen

Ṣṣut-is d ajajiḥ n tmes
Mi s nesla nefrawes
A tawla i-yi d-yuγalen

Ata-ya wul-iw yuyes
Melmi a t-iwannes
A-s yeγli ger ifasen

Repost 0
Published by iflisen - dans Poésie
commenter cet article

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens