Overblog Suivre ce blog
Editer l'article Administration Créer mon blog
24 juin 2012 7 24 /06 /juin /2012 21:38

DDK

 

Par Dalila I                                                                                                                                                                                                                                 

Maɛtub Lwennas

Cfawat da, dihin

 

Ilmend n usemekti n umulli wis 14 n temniɣiwet n Matub Lunas ig tewaneɣan as 25 yunyu 1998 deg Tala Bunan deg webrid Nat Dualla, yettili-d yiwen n leqic adelsan s wazal is deg tamiwin yemxalafen n lewilaya n Tizi Wezzu d lwilayat niḍen n temurt d tmura n lebarani am n Fransa, Canada d Kölen di Lalman.
Di Tizi wezzu ad d-nadder tidukli tadelsant Matub Lunas d Tawrirt Mussa i d-iheyyan yiwen n leqdic amerkanti, ladɣa yiwet n temzizelt n yisefra deg wussan i ifukaen iḍelli. Timzizelt-a i deg ttekkan yelmeẓyen ur nɛeddi ara 35 n yiseggasen, dt tis 4. Deg tamiwin niḍen n tmurt, ad nadder Wehran anida i d-smekti tiduklla tadelsant Numidia amulli-a s yiwet n tceqquft deg wexxam n umezgun Abedelkader Alloula. Taceqquft-a i wumi qqaren « Urar n 7 n twaculin » ad tili s s lemɛawna n tidukla tadelsant « Tigawt d wawal (Action et parole) ». Ma yella deg Montréal (Québec), ad d-yili yiwen n leqdic adelsan s yisem « Requiem pour Matoub Lounès » deg uxxam umezgun « Théâtre Rouge » s-ɣur tiddukla tadelsant La « Traversée » ass n 30 deg waggur-agi. Am akken ara d-yili yiwen n usaru ɣef tudert d leqdic n unaẓur n timuzɣa Matub Lunas i d-yessufeɣ Hacemess, yura-t Karim Akouche. Ad d-tili daɣen yiwet n « la chorégraphie » s-ɣur tnaẓurt Adrienne Medjo. Ad ttekkin daɣen di temlilit-a : tacennayt zahia, tanaẓurt n teklult Thanina Slimani d umyaru Karim Akouche akked d yimedyazen Nelly Roffẓ, Arab Sekhi, Gary Klang et Josaphat-Robert Large. Ma d aẓawan ad ttekkin deg-s Zahir Ouali, Smaïl Hami, Zahia, Mourad Itim, Rezki Grim, Nacer Hamlat, Salah Ait-Gherbi d Mourad. Dimi. le Centre Amazigh de Montréal (CAM) iheyya-d yiwen n leqdic adelsan deg ara tili tcequft umezgun « tacbaylit » n Muḥia, ad tt-turar terbaɛt « imesbriden », am akken ara d-yili wesqerdec n tudert d leqdic n unaẓur Muḥia d ucennay n timuzɣa Matoub Lunas s-ɣur Nasser Djennadi d Moh Laid

 

Dalila I

 

 

 

 

 

Par Ait Slimane Hamid |                               

Yunyu timugent akked Matoub Lounes

 

 

(Aḥric wis 03)

Ibrir 1980 yegla-d s umaynut. Agdud izedwen ɣef yiɣil n taguni , yezwi icuḍaḍ-is, yekker ɣer wayla-s akken at-id yesukes seg yimmi n tlafsa yebɣen ad-teɣbu wakali. Iberden n tizi ččuren d lxalat d yergazen i d-yekkan si yal tamnaḍt n tmurt n Leqbayel akken ad innin : « ala i mattent n yidles Amaziɣ, ala i lbaṭel, ala i tmuḥeqranit ! » Agdud yekker ɣef lfetna akken ad yerr azref yecḍen, akken ad irasi ,ɣef lsas n timadit, iɣulad n uzekka i yixef-is. Matoub Lounes (ɣer ur yedrig kra)yecna-d ɣef aya srid si tzeqa n l’Olympia di Fransa.Yeḍra wayen yeḍren. Yettwet win yettewten , yejreh win ijerḥen, yettwaṭṭef ɣer lḥebs win yettwaṭafen. XAs akken tqesiḥ tiyita, awal id yesuksen i-yiman-is tilelli anwa i-izemren a t-yesgumen akken d tasawent? Yenna Matoub :
yeḥzen lwad Aɛissi
mi yebda imenɣi
yewweḍ-iten lɛesker deg yiḍ
tuddart slan-t irekeli
ṣṣubent ɣer tizi
yal abrid a yettfegiḍ
ur telli d -tiselbi
begset a lɣaci
uqbel aɣ-ḥaren ɣer lḥid
Ẓzur yenfel i lmeɛqul, asali yewwet timura( kul Tizi yeɣef ljernan/ di Tizi msekfan/ ma d leḥala yerǧa-t leɛqel) adabu n yimir ur icuḥ ara s tiyita deg yelmeẓyen akked telemeẓyin yuggin kennu, yuggin nger i tutlayt-nsen. Arrac d teḥdayin yuggin tammettant n nekwa-nsen . Matoub yesbegned aya deg yifayar-agi :
si Skikda iten- id fkan
ttcabin ɣer yilfan
d tirebaɛ ɣer Tizi leḥḥun
ɣer times ur nesɛi duxan
isufa uẓan
mi d ṣṣuben wat waganun
lḥekam sbeden lejmaɛ
i ubhim nnan
ad yinni ayen asen yehwun.
Maca am yal tegrawla, yettilid umagared ger imeɣnasen, tecrek tɣawsa , yesdukkel lebɣi. Amusu adelsant amaziɣ i d-illulen deg yirebi n tadyanin n tefsut n tmanyin, ur yemniɛ ara deg unect-a. Matoub yettawalin icerigen i d-yettlalen ger watmaten s sebba n tasnakta( idiéologie) - acku wa ijebed ɣer tazdukla( communisme) wa ɣer tanemla ( socialisme) wa ɣer tasihrant ( capitalisme) armi yal wa yuɣal d aɣaref deg yeẓda uɛeqqa n yidles- ur yedduri ara tamselt. Deg akken yugar icerig tafawet yenna :
aṭas i-aɣ d ggen n ccum
ǧǧaneɣ deg unezgum
nettḥiri ad yalli wass
mazal la sawalen i lqum
ad ččen cilmum
i asen-d yeǧǧa Karl Marx
Ɣer lunes tidet yiwen i d-udem-is, imi tuget n wid yettsuɣun timuzɣa ( ikabaren ufiren n yimir) kecmen deg yir urar, ssan tiqulhatin deg allaɛen n yemdanen . Yenna Matoub:
men ttif bnadem ur neɣri
yesɛen tamusni
wala win yeɣran di tmenqas
aqlaɣ deg-sen nettawali
si tizi ɣer tizi
ad smermicen i tullas
Lexdaɛ ur yeẓri umdan ansi ara d yenulfu. Abrid n umenuɣ yeččur d iɛawiqen, yessa d isanaen. Deg ussegas n 1985 yettweḥbes acḥal d ameɛnas ɣef tugdut akekd tamaziɣt am Ferhat Mhenni, Ali Yahya Abdenour, Said Saadi,Moqran Ait Larbi, Ait Menguellet, s sebba n usbeddi n n ugraw ɣef izerfan n umdan akked d agraw n terwa n yimeɣrasen. Di lawan-nni ( deg lbaṭel iḥuza ixfawen n lɣaci) yefren Ait Ahmed akken ad yesdukkel iɣalen netta d Benbela akken ad ɣeḍlen adabu. Matoub ur as yehwi ara ubrid-nni, yenna :
awal yekfa deg yiles-nsen
ur d yegri laman yidsen
Ahmed d Lḥusin mtafaqen
ad rren lehna i yiẓayriyen
neɣ anda nniḍen :
steqṣeɣ wid iselken seg yir amqenin
nnan-d yakk ayen iṣaren di tlata usettin
nnan a mmi illi-k d uḍrif
nekni din nencew si lḥif
widen, id aɣ d yewwin aɣilif
d akersi itt-naddin
neɣ diɣ:
yexleḍ lḥeb d ukerfa
uma aḥkuɣ uma ay inniɣ
s wulac teṭṭuqet tezla
yeɣli-d lkdeb la ttwaliɣ
init–aɣ anwa ara namen tura
imi ula d Benbela
as yeqqer nekk d Amaziɣ
adrar n Ǧerǧer yecfa
ɣef asmi id aɣ yenna
isem n waqbayli ur teǧǧiɣ.
Cḥani deg wul ur llin-t, maca deg agni n tisertit gma-t-nneɣ ma din yecceḍ tawwid a t-id nner s abrid am akken it-id yenna Lounes s timad-is :
ma wteɣ di gma ass-agi
tassa-w ur tuggi
bɣiɣ kan ad yefriwes
neɣ:
iles-iw yesfuǧuɣ
ma d ul-iw yeṣfa
D anect-a i d-cɣel n umadeḥ ! Di twenza-s yura ad yettebdedd tawwurt tawwurt akken ad yinni timcukal yellan. Matoub ur icuḥ ara deg unect-a. Ulac tamselt ɣef ur d yewwi neɣ tizelgi ur d yesenɛet s uḍad ! Deg akken imdanen ttraǧǧun aṭas deg iden ɛuzen, tikwal d nitni ( wid nettɛuzzu) i d -yettawin iɣilifen. Anect-a at nnef deg yifyer agi n Matoub ɣer ljiha n Hocine Ait Ahmed
ah ya si Lḥusin
tfehmeḍ nekk d abhim
rḍel-iyi-d kra n tiwiztin
ad qḍuɣ targit
Tabḥat n tadukkli, teččur d iɣisan, tikwal ɣer yifri i -yezuɣur ugni. Tagra n isaggasen n tmayin kfant s tedyanin n Tuber id yeglan d tmattant n wacḥal d ilemẓi am akken it-id yenna Lounes :
yemmut acḥal d ilemẓi
win id yekran ad yexnunes
ula d nekk tegla yiss-i
taluft n Ṭuber t-tteqes
Matoub ur tezgil tyita ! Tirṣasin( n leɣḍer) yeggunin tidet i d-yettefɣen seg yimmi-s , bɣent-tt d nnican i timhujrit n lbaṭel wwin-t deg affug nsen-t.
Lẓẓayer ( niɣil) tazwi icuḍad-is, tbedel udem. Yal wa yenwa tetti tewriqt, tenugdem tagnit, agdud yeweḍ ɣer lebɣi n wul-is. Yal yiwen yefreḥ yenna( neɣ yesume iman-is) dayen knant-d tṣeḍwa ibeɛden, tugdut i d-illulen ad tezwi iɛewiqen yellan. Matoub netta inedred wid yenwan dayen ɣelten( tettwekkes tmalalt mebla ma tuffeg tasekurt) yenna :
Ur sefceleɣ imdanen
D teswiɛt i-ihercawen
Ur –aɣ tesuɛed ara
Marent tiregwa n idamen
Mejden yimdanen ad mejden
ur yefri wara
Lẓẓayer aɛzizen
Tettewagzer tekfa
Ayen id yeqimen
D tisigar ass-a
D biḥwasu ara tt-ileɛben
D imcumen ara d yuɣalen
Yakk si zzman akka
Azeglu win it-inumen
I wakken as yeḍlaq dayen
Att-yecrew terɣa
Amdyaz icari-tt, zzman( yesnen tidmi n umedyaz) ur t- yeseḥnet !

Ait Slimane Hamid

 

 

 

 

 

 

 

 

 

 

 

 

 

 

 

 

 

Par DDK |                              

“Agu”

Muqlent wallen
Anida ara walint aḥbib
ulac-iten
Ur d-ttawḍen ur qrib
Anida-kun
S anda truḥem
A wid ur neqebbel ara lɛib

Ul-iw yugi
As yamen belli tekfam
La kun-ittnadi
Yettaf-ikun di nemnam
S anga truḥem
A wid i ɣeḍren wussan

Lweḥc yezga
Yuɣal ul-iw d axxam-is
Ɣur-i yufa
Yakk ayen i nuda wul-is
Anida -kun
D lferḥ-nnwen
Is ara yeǧǧ amkan-is

Lweḥc yenna-k
D axxam-iw ara yerreɣ ul-ik
Tura zemreɣ-ak
Ala irfiqen i d afriwen-ik
Widak ruḥen
Ulac-iten
Wi ara yilin d amɛiwen-ik


Lounis Ait Menguellet

 

 

 

Tameγra n lebḥeṛ werğin telli.

 

D akken neẓra di ddunit meṛṛa, imdanen, sexdamen di tmucuha nezzeh iγersiwen, acku i wakken tamεayt ad tεeddi u ad taweḍ γer yiswi ttadren-d yal abrid iγersiwen akken a sen-tishil tegwnitt, amedya γur-neγ s leqbayel, nessexdam uccen i tḥerci, izem i tebγest d tezmert… atg.
Deg waya ssawalen-d wat zik yiwet n tmacahutt γef win isderγil ṭṭmeε.
Yiwen wass yuḍen ugellid n lḥut iwweḍ γer lmuḥal, ihi cekṛen-as ul n wuccen d ddwa, iceyyeε ixeddamen-is i wakken a s-d-muqqlen uccen, mi ttnadin γef rrif n lebḥeṛ walan yiwen n wuccen la iddewwiṛ din, sawalen-as: Ay uccen?
Uccen:-Anεam.
Leḥwat:-Acu akka ara txeddmeḍ ay uccen?
Uccen:-Aql-aγ a nettnadi lmektub.
Leḥwat:-Tlata wussan ayagi nekni d anadi fell-ak.
Uccen:-D lxiṛ kan?
Leḥwat:-A d agellid-nneγ i ibγan ad yeg tameγra maca ibγa ad iseḥdeṛ akk yiγersiwen n tmurt, tura neεreḍ akk iγersiwen ala kečč i ixuṣen, ula d tameγra teḥbes γef lğal-ik, ihi sellek iman-ik, ayen tectaqeḍ din ad teṛwuḍ, kullec illa.
Uccen isderγel-it ṭmaε.
Uccen:-Besseḥ ur ssineγ ara ad εummeγ.
Leḥwat:-Awah! Ay uccen, akken newwi meṛṛa imaεraḍen ara k-nawi.
Semlalen iman nsen gan-as-d amkan gar-asen irkeb ruḥen, akken kecmen talemmast n lebḥeṛ, inṭeq yiwen uḥuwtiw γer wayeḍ:-Ilaq-aγ a-nγiwel neğğa-t-in inṭeṛ aṭṭas.
Uccen am win is-d-ifkan abeqqa, imekta-d mi is-tenna yemma-s ul nneγ d ddwa i leḥwat.
Inṭeq yiwen uḥuwtiw γer wuccen:-Ay uccen ayγer akka tsusmeḍ εni ur izhi ara wul-ik?
Uccen ifuṛes asteqsi-nni :-Awah! Ala ul-iw ur t-id-wwiγ ara ttuγ-t-in γef rrif n lebḥeṛ.
Dγa fqeεen leḥwat i mi ayen akken ḥwağen ur d-iddi ara, neṭqen γur-s:-S tidett ay uccen, ur d-tewwiḍ ara ul-ik?
Uccen:-Dayen ttuγ-t-in.
Leḥwat:-Ala ay uccen a-nuγal a t-id-tawiḍ yis-s ara tezhud di tmeγra.
Uγalen-d s temγawla akken id-wwḍen γer rrif n lebḥeṛ uccen ijelleb irwel.
Leḥwat:-Aniγer ay uccen, awi-d ul-ik tuγaleḍ-d γer tmeγra.
Uccen:-Awah! Tameγra n lebḥeṛ werğin telli.

 

 

 

 

Bgayet : « Tafaska Ukfadu », d ussan n umerreḥ d twennadṭ

 

Yeḥya Yanes

Tella-d yiwet n tfaska meqqren, ussan n 14 almi d 18 yunyu, deg tɣiwant Akfadu di lwilaya n Bgayet, ddaw uberriḥ « Tawennaṭ d tamsalt medden akk».Ihi, semmus w ussan n uwelleḥ ɣer usehbiber ɣef twennaṭ akken daɣ tella d tagnitt i umerreḥ deg idurar n Ukfadu yecɛacɛen d lesrar akk d ccbaḥa n teẓgi-ines.
Tafaska-ya theyya-tt-id tdukla Tiziri n Ferḥun« Association Bénévolat Thiziri de Ferhoun) deg Ukfadu, i tikelt tamenzut aseggas-a, terna tgerrez aṭas, iɣ d-nnan wid nesseqsa seg inebgawen. Aṭas n iqdicen id yellan deg w ahil ; Isaragen, timziknin, amerreḥ, amezgun, ccna, isefra, d tiyiḍ…Aṭas daɣ yemdanen id yerzan gar iḥewwasen d wid yekkin deg leqdic n tfaska-ya. Awal akk yezzi-id ɣef wamek i ilaq ad nesseḥbiber ɣef twennaṭ, ttawilat is-ilaqen d unezgum n yimdanen akken ad d-yuɣal d lfayda i umerreḥ deg temnaḍt-a.Aṭas n iḥerqan i yerɣan, deg iseggasen iɛeddan, d ayen id yeglan s lmaḍerra i lɣellat d tizegzewt n yimukan-a. Acukan ma imdanen rran-as azal i twanat-a, terna-d tegla-s s wallalen ddula, akka, nebla ccek ad yuɣal udrar n Ukfradu ad yekcem deg tgemmi taɣelnawt(patrimoine national), akken ssaramen iɛeggalen n tdukla Tiziri n Ferḥun.
Medlent twwura-s « T faska n Ukfadu » iḍ-nni n letnayen 18 yunyu s yiwet n tmeɣra tameqqrant id yellan deg w annar n tɣiwant n Ukfadu, Tameɣra anda yecna Karim Abranis d terbaɛt-is.Azal n walef yemferǧen id-yusan sya d sya akken ad walin w ad ceḍḥen s Rock-Aqbayli. Ar taggara, awal yuɣal almi d iɛeggalen n Tdukla Tiziri n Ferḥun akken ad snemmren wid akk d yerzan d imɛwnen, akken daɣ id fkan ttiɛad i qabel.

Samir At Buɛza

Partager cet article

Repost 0
Published by iflisen - dans Kabylie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens