7 novembre 2009
6
07
/11
/novembre
/2009
21:42
A taqcict
d analmad di tesdawit
a taqcict awi-t
uqbel lviza n Paris
s tayri n wul ḥadri-t
deg irebbi-m err-it
ma ulac nndama ad m d-teggri
a tawaγit
d analmad deg llisi
fell-as ttweṣṣi
ḥader tewεer ddunit
γur-m fell-as steqsi
ḥader ad yetruzi
sers-it γur-m γas jmeε-it
a taqbaylit
d analmad di lakulat
ur yesεi tuyat
dayen yeεya di ddunit
dduklent-as-d lmeḥnat
snint γer lmertat
cebbḥent-as-d udem am teslit
a tindemmit
d analmad dayen ijemmel
γas yerwa leεqel
yiwwas ad yeğğ tamurt-a
ḥader-it ma ulac ad m-yerwel
gar wallen ad m-yentitel
ad t-tectiqeḍ di tirga
a tiwuγa
ḥader-it s afus-im cudd-it
anda truḥeḍ awi-t
am umeqyas deg ufus-im
dayen yeεya di ttemrit
tamurt tγurr-it
ad m-d-yerr taxatemt-im
a tawaγit