Overblog Suivre ce blog
Editer l'article Administration Créer mon blog
19 mars 2012 1 19 /03 /mars /2012 00:35

ddk

 

Tasdawit n Bgayet

“Aqusis ussnan Tumast", yemmuger tafsut

Par

Mmugren yinelmaden n Uqusis(club) Ussnan "Tumast" tafsut n useggas-a s yiwen n leqdid d ameqqran i gan deg wamas asdawan n Abudaw ass n 13 di meγres yellan d ass n umenzu n tefsut γer yimaziγen. Leqdic-a i yesferḥen ladγa inelmaden i d-yerzan deg waṭas yid-sen, llan-d deg-s yisaragen ideg d-yella wawal γef wamek i d-yettili umager n tefsut deg temnaḍin yemxalafen n tmurt n Leqbayel d wazal i tesεa teḥcict n "uderyis" i sexdamen abeεda deg temnaḍt n Ssumam. Isaragen-a i ten-id-yefkan d massat: Karim Cheikh(amyaru), Adrar Amar(abyulujist), Laib Makhlouf(ajenyur n tfellaḥt), Maouche Mohand Sadek(amejjay s teḥcicin) akked massa Linda Wateh(taselmadt n tmaziγt). Rnu γer waya, yella-d uskan n yiwen n lfilm, yellan d arupurṭaj i xedmen γef ddema yiεeggalen n uqusis ideg d-jemεen imeslayen n yimγaren d temγarin n tudrin yemxalafen n tmurt n Leqbayel γef temsalt n umager n tefsut d wayen i xeddmen deg yal tamnaḍt iγer rzan. Di taggara n tmeγra, inebgawen ideg llan yiselmaden d yinelmaden d yimdanen-nniḍen i d-yerzan, feḍren akken jmiε s "seksu n uderyis" i d-sewwent tnelmadin izeddin deg uqusis Tumast.

Mokrane Chikhi

Amur-nneɣ d asayes !

Yewwi-ten wesyax !

Par

Nniqal nesseḥmac ad yelli wexxam n yidles n Iɛezzugen tiwwura-s, yerna ad as-iger irebbi i tfaska n ssinima s tmaziɣt ara d-yilin di tagara n meɣres-agi deg-i nella, ziɣen meɣres d tidet, am yennayer, ma ur yewwit s imezwura ad yewwet s ineggura! Diɣ netta akken i yewwet iɣisi annect ilat tala uqucaḥ d yiɣil n wuzzal, deg Iɛezzugen. Yewwet iɣisi yegla s yidles-nni, a nerju diɣen amur nniḍen ara ɣ-d-squcḥen wid-nni yettgallan ur ḥennten, wid-nni ur nḥezzeb ara i wasmi ara tsew lqaɛa almma terwa, imi tfud idles d leqrun-aya, ur rjin ara ad yessaɣ wedfel, ad feggḍent tliwa ddaw tmurt, imi ulac ansi ara kken waman nnig-s. Abrid iceqqeq, ad as-tiniḍ yella win i s-yennan i lqaɛa lli, ad tesbelɛed kra yellan, ixxamen atan tikelt-a menɛen ur ɣlin ara, ixellef-iten-id usyax aseggas-a, i qabel wi tt-iḍemnen?! Lebni apipri kan, awi-d kan axxam, anida-t? Anaɣ din, ar daxel ay ul! Ruḥ tura keč, i wannect nni n yexxamen yembabben wa ɣef wa, nessalay deg wayen ur qettɛent wallen, anda akken ur ilaq. Iiiiiiiiiiih! Bac ad k-id-iṣaḥ wexxam deg Iɛezzugen, alma tcubaḍ s agur, netta deg igenni, keč di lqaɛa, imi medden ak ttmennin-d tamɛict di temdint igan ccan i kullec: tudert, tezdeg, lefhama, iseɣ, taqbaylit, artg. Wi bɣan ussan di tmurt, yerzu ɣur-s. Tura, amek ara qablen annect-a n lexsara? Akken lhan waman i diri-ten ticki ur sen-nserreḥ ara ad lḥun. Nnan, zik asmi tella Fransa , sebɛa n tliwa i yellan deg Iɛezzugen, maci kan akka i ccbaḥa neɣ d fad i fuden medden, d annect-nni n waman i yellan ddaw n tmurt n Iɛezzugen i ɣef d-ttekksen dderk, ttfeggiḍen-d ɣer berra, ass-a tiliwa-nni yak ulac-itent bexlaf tin n taddart n tala n uqucaḥ, i lukan mazal-itent ahat ur iḍerru ara ubaxix-agi, ahat ur yekkat ara wessyax, ur derrmen ara yexxamen, ur ttagaden ara medden azekka. Ahat, wissen?!! Win yerḥan ad yesteqsi, ayen akka la nbennu kan, akken d-tusa akken? Akal yella, awi-d kan win ara s-igen leqrar, a nettu talast-a d talast-ina, a nettu imḥaddan d ucaraɛ, a nezdi tagmat, a nḥader iman-nneɣ, a nḥader Tamurt n wakal d idammen.

Zira

Partager cet article

Repost 0
Published by iflisen - dans Kabylie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens