Overblog Suivre ce blog
Editer l'article Administration Créer mon blog
25 juillet 2011 1 25 /07 /juillet /2011 00:59

Lunis Ait Menguellet deg At jennad

Par

D imeyyaten n yimdanen i d-yusan ass n n 18 di Yulyu akken ad mmagren amedyaz d ucennay ameqran n Leqbayel Lunis Ait Mengullet di tɣiwant n Timizart deg At Jennad, ilmend n tejmilit i d-as yuɣalen s ddemma di tedwilt tis- tẓa n « wussan n temdyazt Yusef U Qasi d Si Muḥend U Mḥend ».
Tajmilit-agi id-as yuɣalen i Lunis txulef tiyaḍ imi imerra ahil ines yeččur d -icewwiqen i d-tecna Tiruda Nacera, d yisefra i d- yeɣra Mass Nureddin, akked Zira. Asterḥeb unṣib n Lunis yella-d s lmendad n uselway n tɣiwant Mass Juwadi Lunes, aselway n tidukkla Yusef U Qasi Mass Ɛerqub Ɛabdella, s timmad –is d aselway n Tfaska, akked Mass Hamid Ait Sliman, Ben Muḥemmed akked unemhal n yidles n twilayt n Tizi Wezu Mass Ould Ali El Hadi.
Ayen diɣ yeṭṭfen lwelha di tejmilt-agi , d aneḥḍur n waṭas n yicennayen yettwasnen, i d- yusan akken ad sdukklen lferḥ akked Lunis, gar-asen : Slimane Chabi,

Taleb Tahar, Rabeh Uferḥat, Ḥusin Harun, Buḥazrawen Samir d wiyaḍ. Ɣer tama n yinaẓuren llan diɣ yiqdimen n umaṭṭaf wis- sin am Muḥemmed Gerfi, Ḥmed Umaziz, Said Freha… d yimḍebbren n yisquma n Tudrin n tɣiwant d waṭas n yimawlen n tsekla am Ǧellawi M’ḥemmed, Ḥasan Halwen…. D wiyaḍ.
Deg wakken tajmilt tḥuza aṭas Lunis Ait Menguellet, xas akken iṭij yeɣli-d ɣer lqaɛa , xas akken azɣel yewweḍ ɣer lḥed –is , xas akken tidi tettceṛcur, yedda di lebɣi i yimeyyaten n wid i t-iḥemlen( tilawin, irgazen , arrac imecṭaḥ, tiqcicin) yebɣan ṭṭfen tteswirat yid-s, neɣ ad asen-yaru iccer n lkaɣeḍ ɣef uttafttar neɣ merra ɣef yiselsa nsen. Di taggara, Lunis yerra-d ɣef tuttriwin n Zira akked Urezqi Ɛezzuz deg yiwet n tdiwennit i d- yellan s ddemma, imir yeddem agambar, yecna yiwet deg tezlatin-is, “ amenuɣ » d tarzeft i yimezdaɣ n At Jennad. Di taggara n tejmilt yettunefk yiwen warraz i Lunis Ait Menguellet s-ɣur tiddukla Yusef U Qasi, arraz-agi d yiwen n nqec ɣef usɣar yexdem unaẓur n tiddukla Mass Saidi M’ḥend iwumu I –isemma “ amedyaz”.
S yiḥulfan n tayri i yeǧǧa Lunis taɣiwant n timizart lewhi n tlata n tmeddit mi akken yella yessefreḥ yal wid i d- yusan iwakken ad t- walin. Mebla ccekk akken i d- yenna Mass Wasif Jeɛfar aɛeggal n tiddukla “ tisin n Lunis ɣer At Jennad tekcem deg umezruy n temnaḍt-agi nneɣ.”

Ait Slimane Hamid

  

  

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens