Overblog Suivre ce blog
Editer l'article Administration Créer mon blog
17 décembre 2012 1 17 /12 /décembre /2012 19:30

Source : Dépêche de Kabylie 17 decembre (pour les auteurs de ces articles, consultez : http://www.depechedekabylie.com/ddk-tamazight/index.1.html)

 

 

Tizi Wezzu Yetturaju i useggas-agi

30 iqenṭaren n uzemmur ...

Yetturaǧu ad tawweḍ lɣella n zit n uzemmur i usggas-agi,di lwilaya n Tizi Ouzu , armi d 30n yiqenṭaren deg hiktar, aya ɣef leḥsab n wayen iɣ-id-xebbren yemḍebren n tfellaḥt i itabaεen taɣiwant n draε lmizan, i ibeεden ɣef lwilaya n tizi uzu s wazal n 45 kilumitr. tamnaḍt–agi i ittwasnen s lxudma n wakal d tuéut n yiguma yemgaraden , teǧǧa imḍebren n tenmahla n tfellaḥet ad sεun asirem deg unarni n leɣella n zzit i yetturaǧun i useggas-agi , yella-d wanect-a di lwaqet i deg timest texdem axeûûar di tefarkiwin n uzemmur i kesben warraw n temnaḍin yemgaraden i yeqqnen ɣer lwilaya n tizi uzu, si lejiha niḍen tanmehla n tfellaḥt n tizi uzu tssawel i uḥader n leɣella uzemmur, amakken tessaḥres daɣen ɣef amek i ilaq ad yettwjmaε uzemmur, ayen yellan d tagnit i kra n yifellaḥen i yessawḍen ad smersen iwelihen isen-yettunefken sɣur imusnawen yeεna weḥric-agi ,d ayen ara d-yilin i lefayda n uḥareb ɣef leɣella n zit, ɣef I d-yettili waṭas n usuter ama I lemakla ,ama I lefayda n uḥareb ɣef ûûeḥa n wumdan d tezmart-is megal aṭanen yemgaraden .

 

 

 

 

236 000 iqenṭaren n ččina

Azal n 236 000 iqenṭaren n ččina i yetturajun aseggas-a ɛla ḥsab n tnemhalt n tffelaḥt deg tamiwin yemxallafen n lwilaya n Tizi Ouzou, ladɣa di tɣiwanin n wunẓul, Draɛ Ben Xedda, Tadmayt, Iredjen, Tizi wezzu. Ajmaɛ n lɣella acḥal n ledwaṛ aya. Ar tura yella-d waazal n 2% n n wejemaɛ n lɣella. Lmandarin turew s zyada asegga-s. Ad d-nesmekti belli ulla d aseggas iɛeddan lɣella n ččina d tin yelhan imi tewweḍ ar 244 703 iqenṭaren. Ad nar tamawt belli lwilaya n Tizi wezzu d tin i-d-yesfayeden s yiwen wahil n tuẓut n tejur n ččina deg iseggasen yezrin (wazal n 51 n yihegṭare). Imḍberen n weḥric-a gezmen-tt di rray ad ɛiwnen afelaḥ ara yeẓẓun tibeḥirt n ččina s 72 000 idinaren, rnu ɣur-s lemɛawnat niḍen. Aya i wesijhe d wesnerni n lɣella.

Maca yesunefk ad d-nini belli ɣas akken lɣella d tin yelhan maca, ččina mazal-itt ɣlawet di suq, imi ur d-ɣli ara ddaw n 100 idinaren i kilu.

 

Ulac aman di Tifuɣal

Imezdaɣ n taddart n Tfuɣal i-d-yezgan deg tɣiwant n At Yeḥia Musa deg unẓul n lwilaya n tizi Wezzu, d wid i yeččetkin s lexṣaṣ n waman n tissit seg nig n 4 wagguren aya. d anebdu neɣ d cetwa, zgan imezdaɣ n taddart-a ttnadin ɣef waman n tisit. Ma yella di cetwa leɛwanṣer ttazalen, lebyur ččuren, deg unebdu taswiɛt teqseḥen, imi imezdaɣ ladɣa tilawin, zgan ttganin tiliwa. Liḥala-a tḍul, ɣas akken imḍebren weɛden s tifrat n weɣbel-agi i iceɣben lɛama. Ad ner tamawt belli taddart-a tezga-d deg teqacuct, aya d ayen iten-yeǧan ad tidiren deg weɣbel n waman, imi ulac la station de pompage. Ɣs akken imḍebren n weḥric n waman waɛden s tifrat n weɣebel, mbaɛd lɛid tameqrant, ar ass-a mazal tikebbaniyin i yestukulfen s lecɣal ur bdint ara axedim nsent.

Ad ner lwelha belli mačči alla taddart-a i yettidiren deg weɣbel n waman , imi 8 n tɣiwanin n ugafa mazal ttraǧunt acudu nsent ɣer ubaraj n Taqsebt, ara d-yilin deg taggara n useggas-a.

 

Timlilit tagraɣlant ɣef tsuqilt tamaziɣt

Ass n umenzu d wass wis sin deg wagur n dujembeṛ, tella-d yiwet n temlilit tagraɣlant ɣef tsuqilt tamaziɣt di tesdawit Mouloud Mammeri n Tizi Wezzu. Timlilit-a umi yettunefk yisem : « Tasuqilt tamaziɣt d ajmil i unadi di tussniwin talsanin d tussniwin tinamunin » (La traduction amazighe au service de la recherhce en sciences humaines et sociales) ; yessudes-itt-id Usqamu Unnig n Timmuzɣa(HCA) s lemɛawna n Ugezdu n Tutlayt d Yidles n Tmaziɣt n Tizi Wezzu akked Usinag n Inadiyen d Tezrawin ɣef Umaḍal Aɛṛab d Umaḍal Imeslem (IREMAM) n tmurt n Fṛansa ; s tasayt(sous la responsabilité) n massat : Boudjema Aziri(HCA), Kamel Chachoua(IREMAM) d Azeddine Kinzi(DLCA n Tizi Wezzu). I teɣzi n sin n wussan, aṭas n yisaragen i d-yettunefken sɣur isdawiyen i d-yerzan ɣer temlilit. Seg-sen llan wid i d-yewwin awal ɣef tussna n tsuqilt(traductologie) deg taɣult n tmaziɣt, d tamsalt iɣef d-yefka asarag pṛufisur Mohand Tilmatin(tasdawit n Cadix Spanya) d Sadi Kaci(tasdawit n Tizi Wezzu). Llan daɣen yisdawiyen i d-iseknen tizrawin i ggan ɣef tsuqilt deg uḥric n tsekla : Tasleḍt n tlata n tsuqilin ɣer tmaziɣt d taɛṛabt n ungal n Mouloud Feraoun (le fils du pauvre) i d-yesken mass Boudjema Aziri(tasdawit n Lezzayer, HCA) ; tasleḍt ɣef usuqel n timawit deg ungal(tawargit d imik) n Mohamed Akounad, d tazrawt i d-yesken mass Sguenfel Mohamed (tasdawit Ibn Zohr, Agadir). Am wakken daɣen i d-yesken mass Saidj Hacène(tasdawit n Aix-en-Provence) tazrawt ideg yesserwes tisuqilin n yisefra n Si Muḥend Umḥend seg teqbaylit ɣer tefṛansist. Dima deg taɣult n usuqel n tsekla tamaziɣt, mass Hacène Halouane(tasdawit n Tizi Wezzu) yefka-d asarag ɣef yidles imawi akked tsuqilt ; mass Said Chemakh(DLCA Tizi Wezzu), yefka-d asarag ɣef umezruy n tsuqilt ɣer teqbaylit, mass Bouchtart Abdelwahab (Aselmad di tesnawit Ibn Maja, Agadir), yefka-d asarag ɣef umezruy n tsuqilt ɣer tcelḥit di tmurt n Lmeṛṛuk. Llan daɣen yisaragen i d-fkan yisdawiyen yettekan di temlilit ɣef temsalt n tsuqilt deg taɣult n tesnilest(linguistique) : Mass Tidjet Mustapha(DLCA Bgayet) yefka-d asarag ɣef wuguren n usuqel n yismawen n yimdanen d yimukan(noms propres) n wungal (arrac n tefsut) i yura Oubellil ; massa Yermeche Ourdia(ENS Bouzaréah) tefka-d asarag ɣef usfeṛnes(francisation) d usuqel n yismawen izzayriyen deg waddad aɣarim(état civil) n 1882 ; mass Brahim Hamek(DLCA Bgayet), netta yefka-d asarag ɣef tsuqilt ger tantaliwin n tmaziɣt ; massa Benaicha Leila(tasdawit n Sṭif), nettat tesken-d tasleḍt i tga ɣef usuqel seg tmaziɣt ɣer taɛṛabt deg tedwilt « Essen Tamaziɣt » i d-yettɛeddayen di ṛadyu n Batna ; mass Malek Azeddine(tasdawit n Mostaganem), netta yefka-d asarag ɣef usuqel n yismadgen(toponymes)d yismawen n yimdanen(anthroponymes). Am wakken daɣen i d-yella yiwen n usarag ɣef tsuqilt seg tlibit ɣer tefniqt deg tallit n teglest, d asarag i d-tefka massa Sfaxi Intissare(tasdawit n Aix-en-Provence). Ma ɣef tsuqilt deg uḥric n tusnalest(anthropologie) d tusnamunt(sociologie), llan-d tlata n yisaragen : Tizmilin ɣef yiwet n termit n tsuqilt ɣer taɛṛabt n yiggiten izzayriyen di tussna n umdan d tmetti n Pierre Bourdieu(Notes sur une expérience de traduction vers l’arabe des travaux algériens d’ethnosociologie de Pierre Bourdieu), d asarag i d-yefka mass Kamel Chachoua(amnadi di C.N.R.S d Aix-en-Provence) ; Ɣef termit n yiwet n tsuqilt ɣer tefṛansist n yidiwenniyen inamunen akked wid iqeddcen di tsertit di tmurt n Leqbayel(Sur une expérience de traduction vers le français des entretiens sociologiques avec des acteurs politiques locaux en Kabylie) d asarag i d-yefka mass Kinzi Azeddine(DLCA Tizi Wezzu) ; Taɣuri di tutlayt n umsuɣel : Awal ɣef yiwet n termit n usuqel(Se lire dans « la langue » du traducteur : Réflexion autour d’une expérience de traduction), d asarag i d-yefka mass Hadibi Mohand Akli(DLCA Tizi Wezzu). Am wakken daɣen i d-yettwanced ɣer temlilit mass Si Hadj Mohand Tayeb, i d-yemmeslayen ɣef termit-is deg usuqel n Leqṛan ɣer teqbaylit, daɣen amyaru mass Boualem Messouci, yeɣṛa-d kra n yisefra n La Fontaine i d-yessuqel ɣer teqbaylit ; mass Omar Fetmouche(anemhal n uxxam n umezgun n Bgayet), yemmeslay-d ɣef tsuqilt deg umezgun amaziɣ. Ger daɣen n yisaragen i d-yellan di temlilit-a tussnant, asarag i d-yefka mass Abdennour Abdesslam(amyaru, ameɣnas) ɣef wazal i tesɛa tsuqilt deg taɣult n tmaziɣt(Traduction : entre l’utile et l’inconscient). Di taggara n temlilit, mass Youcef Merahi(amaray amatu n HCA), yesnemmer akk wid ittekin d wid iqedcen akken ad tɛeddi di tegnit yelhan, yerna yewɛed inebgawen, dakken aseggas i d-iteddun ad temmag temlilit tamaynut ideg ara d-yili unadi deg yeḥricen nniḍen icudden ɣer tsuqilt deg unnar n tutlayt d yidles n tmaziɣt.

 

Aman yeṭṭṣen d aman deg yezdew lxuf

Mi yefra ssuq, imsuɣa d yimzenziyen tezzin s ixxaman-nsen ttaǧǧen reḥba tefreɣ. I d -yettɣimin di reḥba ala iḍuman yettraǧǧun deg imecrawen akken as neggen leqrar anagaru. Leqrar anagaru n ixeclawen i d-yegran d abudu . D wa i lkar n lbiɛ d cra deg tezgi n yemdanen. Wid yezenzen ad yaɣ lḥal ferḥen, widden yeqḍen ddmen iferdisen ḥwajen . Ma d imecrawen ttanin deg afrasen. D wa i d-udem n taɣdemt deg timura yezzin aɛrur i ṣṣwab. Si ssuq n tisertit (dagi di tmurt-nneɣ) ulac nnuba i reḥma ulac awal i leɛnaya. Kra n win yegren iman-is deg annar aserti lhem-is d iman-is . Tuget n yirgazen n tsertit iɛamren ikabaren ttkukrun askasi. Reglen ɣef annar umeslay, ḥamlen tudya n ticrektin di tufra. Wid yellan ɣef iqera n yikabaren-agi werǧin uran adlis deg ara d fken xersum amud n tmuɣliwin nsen( bexlaf ahat Said Sadi , Ferhat Mhenni, Ait Ahmed) ɣef ayen icudden ɣer liḥala deg tettidir timeti deg ayen yeɛnan tadamsa( economie),tasnametti(sociologie),tamguri(l’industrie),tadwasa(la santé), leqraya d timsal nniḍen iceɣben agdud. Anda nniḍen imawlen n tisertit uqbel ad cehwun neɣ ad kecmen amizwer ɣer udabu, ttawin-d timuɣliwin-nsen, srusuyent-ten deg agni n umjadel akked usqerdec. Yeqqar Lajos kossuth : « tasertit d tusna yeknan i yillugan ur nettsenid ɣef ufal ». Deg akka, di tmura anda tugdut tefka iẓuran, anda afran yesɛa azal, anda iɣmisen llan d adabu wis ukkuẓ ( rebɛa) , timsal teddun-t akken nniḍen. Di tmura-agi iqera n yikabaren ttebdaden ɣer tifranin n tɣiwanin. Sarkozi, Chirac, ,Juppet ma nudred kan wigi i meṛṛa ɛadden d lemyur ɣef timdinin di Franṣa. Di tmura agi, anda tafrawant (transparence) d nettat i d-lsas n wurar aserti , amizwar akken ad yuɣal umdan d lmir d yiwen yiseɣ ameqran. Tuɣalin d lmir di tigduda-agi d tassadart yettawin ɣer timasiwin (responsabilités) timeqranin am tiselwayt n tmurt s lekmal-is. Di tmura-agi irgazen n tisertit , nnig taywalt (communication) deg allalen n uṣiweḍ, ttarun adlisen iḥuzen tudert tasertit n timura nsen. Seftayen tikta d tmuɣliwen-nsen yeqnen ɣef yimal n useddu n timsal akken ad tili tebrez tezmer ad tt-tegzi tidmi n timeti. Akal n tisertit di tmura-agi ur yelli ara d lbur i wakken ahyad ( charlatant) i d-yussan ad yeserwet akken id-as id terṣel ! Deg anact-a i yemgaradent timura yewwin abrid afran (progrès) d tid yegluglen i tezzin kan ɣef lkanun deg xsint tirgin n tikta. Yeqqar Gilbert Keith Chesterton : « Yal argaz aserti tewwid ad yilli d argaz yettnawalen asirem, yattqazamen icqiriwen ». Di tmura yeddan deg uɣanib yettwaneǧren s uskasi akked umiyzwer ger tikta, agdud yettili di lmendad. Isaɛu nnuba akken ad yefren imdebren ara isewqen fell-as. Deg unamek n wawal teqqar Ségolene Royal : « agdud yettara lbal-is ɣer tisertit, ticki yeḥulfa d akken tasertit tegga-as azal ». Anda ulac anect-a, anda tisertit terra agdud amzun d ajeɣed n zyada, a nnaf d’ akken agdud yesendeq imurar ger-as akked tisertit d wid yellan deffir tisertit. Tafles ger-as akked d udabu teneɛdem. Di tmurt-nneɣ , tisertit texnunes di yal aɣebar. Bexlaf isaggasen imezwura i d-iḍefren tulya n « tugdut » menbeɛd tidyanin n ṭubar 1988, deg imdanen cedhen askasi aserti, awal yecceg ɣer wanu n uzaylal. Ikabaren jlan seg-sen irgazen yumnan s tikta neɣ ttweɛzlen nnig lebɣi-nsen. Uɣalen yikabaren d inififen yesbelɛen acḥal d argaz amedya (ma nudred kan wid yettwasnen) Moqran Ait Larbi, Djamel Zenati, Said Khelil, Arezki About, Si El Hafid d wiyaḍ. Ddnub-nsen d akken tikta-nsen ur d mǧazint-ara d tid ḍefren iqera n yikabren deg akken llan ttmeɣnisen. Di tmurt-nneɣ di tafranin n lemyur ( n tiɣiwanin) neɣ n tasqamut n wilaya d awezɣi ad bedden iqera n ikabaren agi. Ayen yiwen am Ouyahya, Belkhadem, Said Sadi, Laskri, Tabou, Louiza Hanoun neɣ wiyaḍ seg wid yellan ɣef iqera n yikabaren tɣanfin tifranin agi ? Amek tamdint am Lẓẓayer neɣ Wahran , Qsenṭina, Bejaia.. ur yettili ara fell-asen-t d Lmir yiwen seg wigi i-yetwahem yiwen umeɣnas n ukabar n tirni n yiɣalen inemlayen ( FFS) yetaxren nnig wul-is seg ukabar-agi. Abrid akken a d neffeɣ seg yir ssuq iḍul. Ass-a iɣermaniyen ( citoyens) ɣunzen tifranin acku ẓran d akken Lmir ur yezmir i kra, leɛnaya teffeɣ affus-is akken yebɣu yilli-t. Agdud yefhem d akken ayen yazazalen udrigen-agi yettemyezwirin ɣef tifranin yeɛnan tiɣiwanin beɛden ɣef tisertit am akken yebɛed iggeni ɣef tmurt. Win testeqṣaḍ ad ihuz tuyat-is ak- yinni ; « d wa neɣ d wihin id bedden kifkif –iten yakk…ala tmaɛ iten-yettawin ». Qqaren si zikk : « ḥader iman-ik deg aman yeṭṭsen , wama asif yuzlen nezmer a nektil ljehd-is ». Ger tazdeg n wawal, d tucḍa n tikta, tidet temɣabes…. Anwa yeẓran ahat ad tifirir yiwwas ?

 

 

 

 

 

Partager cet article

Repost 0
Published by iflisen - dans Kabylie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens