Overblog Suivre ce blog
Editer l'article Administration Créer mon blog
13 mars 2011 7 13 /03 /mars /2011 21:38

 

DDK

 

Aɛli Yehya Ɛebdnur

Ilemzi n 90 issagasen

 

image  

 

Lemwaji n yillel agrakal yettmirjiḥen   s leɛdez  ɣef aman , ttmattent  ɣef  leḥwaci n usagen n Lẓẓayer tamanaɣt. Tizegzewt n yiggeni tewcem inni-ines ɣef udem  n lebḥer ur d neclig deg ayen iḍḍerun deg uḍḥḍaḥ n imeɣrasen. Ma d netta yellan d amɣar , yulli-d deg ul-is usḥisef, am wadal ɣef tasa,   di lawan   deg lɣim yecrured  deg allen -s tizegza  akken ad yeḥku  leḥzen-is  ɣef agdud  yeddan di tzenqatin n meɣrud . Abeḍaḥḍaḥ n yimeɣrasen yeččur  d isardasen s iɛekzen deg uffus, dɣal deg allen , lehmaq deg ulawen. Takemict –nni n yemyesbayniyen, id yeggan tabɣest akken ad lḥun, tezder ddew  ẓẓur iten- d- yemugren, armi  uɣalen qrib ur d ttbanen ara amzun ur llin neɣ  fsin deg ugni  .  Ma d netta amɣar n 90 issagasen  yerfed  s tmuɣli nnig  yemṣulta s wallen yeččuren d asirem .   Tamuɣli-s temderkal ɣef waraw n udgud yettwakren i ugdud akken ad reglen abrid zdat n ugdud , ihhuz aqqeru-s yeffer deg ul-is leḥzen .
 Deg yiggeni rublan mazal temesḥiliq, teddewir am yisɣi nnig iqerra n yemdanen.   Zhir-is  yuɣal d acqirew i ṣṣwab, yuɣal n neqma i lmeɛqul. Ifrax yenuman   asrifeg  nnig  lamwaji n yellel agrakal, rewlen deg akken  ttuceblan s yir ṭṭir( n wuzal)   isen-yeksan amkan. Allen n yimyesbeyniyen   wahen s lexeẓra ɣer iqudam n yemṣulṭa amer ad sefrun s wacu ḥacren wulawen –nsen . Ma d netta isenden ɣef 90 issagesen di lɛemer-is,  allen-is   falent akkin i yisardasen akken ad ḥakrent deg   yelmeẓyen yeččan tijɛal akken ad illin   d asergal zadat n tikli n  watmaten-nsen. Allen  -is surgent imeṭṭi, acku neflent i tugna n wass-a dlent  ɣef yir imal iten-yegunin nutni ur ẓran.
Imal ?  Di ṣehd n tlallit –is  yesrugmut s lmut, yessawel  i lehmum, ifatel di siɛqat, yettnawal tiwuɣa ugaren t-id yenulfan iḍeli d wass-a. Amɣar  yezdin lqed n tnekra  ɣef 90 issagasen di lɛamer, yeẓra deg ul n wul-is  mazal  ur fuken ara  lejruḥ, mazal  ad illin widen ara yesruɣun deg yiman-sen, widen ara yedmen  taflukin  n  « lḥelyan » akken ad awwin abrid n trewla, mazal ad mejden lxalat, mazal  ad jedḥen warrac.
Akka  di Lẓẓayer tamanaɣt ibedd yilemẓi n 90 issagasen, yefka-d tamsirt n trugza. Yuggi  ad yenni ma d tasa naɣ d ljehd i teselḥuyen. Ma d wid yeẓran   ḥsan belli d tilelli  is yettagen afriwen. Akka  i d –Aɛli Yeḥya Ɛebdenur.

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens