Overblog Suivre ce blog
Editer l'article Administration Créer mon blog
13 mars 2011 7 13 /03 /mars /2011 21:27

DDK

 

Tasemlilt ɣef Meɣres

 

image  

 

Meɣres, d aggur amezwaru n tefsut, d aggur wis kraḍ n useggas, i d-yuɣen isem seg Mars, Aṛebbit n tegrawla deg tenfusin n Yiṛumanen, iččur d ussan issefraḥen d wid isseḥzanen, Ussan n tekdit d leɣder, ussan n teyri d leɣcac, deg-s tiḥerci d niyya, iččur d ineḍran ; wid ilhan d wid n diri icba ilili izdin terẓeg d thuski, gar-asen .


04 Meɣres 1913, talalit n Ṭawes Ɛemruc.
 8 Meɣres 1913, talalit n Mulud Ferɛun.
 08 Meɣres, d ass amaḍlan n tmeṭṭut.
10 Meɣres 1980, agdal n usarag n Dda Lmulud di Tizi-Wezzu ɣef tmedyazt taqbaylit taqburt.
15 Meɣres 1962, timenɣiwt n Mulud Ferun.
18 Meɣres 2009, alduy n TV4, tiliẓri Tamaziɣt di Lezzayer.
19 Meɣres 1962, imtawan n Evian i d-iglan s uḥbas n ṭṭrad gar Lezzayer d Fransa.
21 Meɣres, ass amḍlan n useklu (ṭṭejra) ; deg-s iɛdel wass d yiḍ ;  d ass amaḍlan n tmedyazt.
Imeɣrasen n tefsut taberkant yeɣlin di Meɣres 2002 : Bellaḥsen Racid, Benettu Idris, Beṭṭaher Yasin.
Ineɣmasen yeɣlin deg Meɣres s ufus n rrebrab deg yiseggasen n 94, 95, 96 : Lqader Ḥirec, Med Ḥasayen, Ḥasen Benuda, Yeḥya Benzaɣu, lmaǧid Yasef, Racid Bendaḥu, Meḥmud Ureḥmun, Racida Ḥemmadi d weltma-s Ḥuriyya, ɛli Buxerbac, Med ɛebderreḥmani, Slim Triya, Ǧilali Arabdiw, Yeḥya ɛemmur.
27 Meɣres 1956, tamettant n Mesṭafa Ben Bulɛid deg Wawras.
28 Meɣres 1959, tamettant n Ɛmiruc d Si Lḥewwas deg ugni n yiseɣ, adrar Tamer tama n Busɛada.
28 Meɣres 1960, tamettant n Budɣan Ben ɛli (colonel Lotfi) deg unẓul n Beccar.

Deg uwitay n tyerza (calendrier agraire), yezdi waggur n Meɣres ussan-is : leǧwareḥ d ṣṣwaleḥ, imeḥzan d uḥeggan ; deg-s mi tsag temɣart ɣer tferka-s, tefreḥ s tegnawt tefja, tamurt s tizzegzewt tessa, lhawa teḥma, amdan neɣ aɣersiw izha. Lhedda tenneqlab lḥala, qrib i tt-yenɣa usemmiḍ dɣa tenna :
Ɛuhdeɣ tirezzaf n Meɣres
D win ɣer-s,
Ar d-iger wajdim tixellal.

Ɣas iṭuqqut deg Meɣres usemmiḍ d yideflawen, tikwal d tafukt isruɣuyen. Qqaren fell-as:
Iṭij n Meɣres, issibrik iɣes.

Ɣef ṭikkuk-is isṭukkuten izgaren ietben ɣef lxedma n tmurt, icna Dda Sliman ɛAZEM u yenna :

Sseɛṭac si Meɣres
Iwweḍ-d ṭikkuk
Izzuhri la iteqqes
Am ujrad i d-iɣerres

Annaɣ a Rebbi ɛǧaba !
Tṣeggmeḍ-aɣ-d rreḥba !
Bezzaf i xerben lumur

Ṭikkuk iṭṭef ssabeɛ
Iwɛer, isɛa lhiba
Azger yuɣal d lmeḥqur

Iffer meskin di lɣaba
Amek ara tili ṣṣaba ?
Tamurt akk teqqim d lbuṛ !

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens