Overblog Suivre ce blog
Editer l'article Administration Créer mon blog
30 juin 2013 7 30 /06 /juin /2013 23:00

 

 

DDK

 

Labeεda tazγent n tsartit i tedder tmurt n Lzzayer deg seggasen n 90 di lqarn yezrin, anda yeεreq cced n uyeddid, yuεar laḥsab i tifin, tegdi tezdaγ yal amdan, rrebrab yesqiṭṭiε deg azal, agdud azzayri ttawin lewhi s wallen anda ara d-ibban wergaz ara d-yarren asirem, diffaden d tebγest.

Dγa yuγal-d niqal usirem, imi ass n 14 yennayer 1992, Mohamed Boudiaf yuγal-d γer tmurt n Lezzayer akken ad yejber iγisi yewten di tmurt, imi lawan-nni yal tazγunt tettεummu di Lezzayer. Imḍebbren n tallit –nni teffeɣ-asen afus, gguman ad d-afen abrid ara yessufɣen ɣer tifrat, imi zzhir yuɣ tuddar d temdinin. Dγa Mohamed Boudiaf yellan yettwanfa mi akken tufrar tagut ɣef tmurt imi tiktiwin-is mgaradent aṭas γef tid n wid yeṭṭfen adabu s yiɣil, yugi leḥkem n leγder, leḥkem n ukabar awḥid, yerra-d i teγri n tmurt-is, yenna dakken talwit d tifrat n tmurt n Lezzayer ad ilint s tugdut. Yewwi-d yid-s amecwar γezzifen, yebda lebni n tmurt γef tidet. 166 n wussan kan iruḥ niqal yerra-d asirem i ugdud azzayri, yerra-d ifadden i yimdanen i ifeclen niqal, yerra-d tayri γer wulawen, yesfeḍ asigna γef tmurt, maca iεdawen n tmurt akked tudert zgan εussen di yal amḍiq di yal lawan. Imi, ass n 29 yunyu 1992 γef 11h15, tamurt n Lezzayer yeγli-yas ujgu alemmas, yeγli yiwen n urgaz yesεan azal, yesrafeg usirem, imi Mohamed Boudiaf nγan-t yemcumen di temdint n Σennaba.

Tudert n uselway

Mohamed Boudiaf, ilul ass n 23 yunyu 1919 di temnaḍt n Ouled Madi Lwilaya n Msila. asmi yeḥbes ulmud-is deg useggas n 1942, yekcem γer uxeddim γer srabes n Leγrama di temnaḍt n Jijel. Syen yekcem γer ukabar n waγref Azzayri (PPA) anda yuγal d aγalat n tudsa n lbaḍna (OS) di temnaḍt n Qṣenṭina deg useggas n 1947.

Di 1950, icureε, anda i ḥekmen fell-as s lḥebs. 3 n yiseggasen mbeεd (1953) yunag γer tmurt n Fransa, syen yekcem γer ukabar n MTLD. Ur iεeṭṭel ara, ikcem-d γer tmurt n Lezzayer anda yuγal d imḍebber aεlayan n tudsa n C.R.U.A. (Comité Révolutionnaire pour l’Unité et Action), yella daγen ger terbaεt n 22 i yessekren tagrawla n tmurt n Lezzayer ass n umenzu n wember 1954. Deg tuber 1956 yettwaṭṭef netta akked yimeddukal-is gar-asen Ait Ahmed d wiyiḍ di tmesrifegt i ten-id-yewwin seg tmurt n Lmerruk γer Tunes. Asmi tefra tegrawla tazzayrit, mass Mohamed Boudiaf islul-d Akabar n Tegrawla tanemlayt (Parti de la Révolution Socialiste). Deg yunyu 1963 yettwaḥbes s wufus n Ben Bella, εezlen-t γer unẓul n tmurt n Lezzayer azal n 3 n wagguren, syen iruḥ γer tmurt n Lmerruk. Aseggas n 1972, yettruḥ yettuγal ger tmurt n Fransa d tmurt n Lmerruk, iqeddec γef ukabar-is (P.R.S.) am wakken i iqeddec daγen deg yiwet n tesγunt El Djarida, anda yella d imḍebber fell-as. Mbeεd tamettant n uselway Azzayri Houari Boumediene deg useggas n1979, yerra talast i ukabar-is P.R.S, yuγal ixeddem i lfayda-s deg lewzin n Lyajur di temnaḍt n Kénitra di Lmerruk. Yettwanγa ass n 29 yunyu 1992 γef 11h15 di temdint n Σennaba tamurt n Lzzayer.

Islam Bessaci

 

 

 

 

Krim Belkacem & Boudiaf en Kabylie

 

Partager cet article

Repost 0
Published by iflisen - dans actualités
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens