Overblog Suivre ce blog
Editer l'article Administration Créer mon blog
30 septembre 2012 7 30 /09 /septembre /2012 23:34

 

 

Timlilit n Usqamu Unnig n Timmuzɣa di Boumerdès

Azday n umawal n tjerrumt n tmaziɣt

 
Di teɣzi n wussan, 26 d 27 seg ctember yezrin, Asqamu Unnig n Timmuzɣa yessudes-d yiwet n temlilit di temdint n Boumerdès anda i d-yessemlal iselmaden n tesdawit d yimaswaḍen n tutlayt tamaziɣt iwakken ad sqerdcen tamsalt n uzday n tjerrumt. Ahil i d-yettwaheggan d amerkanti, imi mačči drus n yisaragen i d-wwin wid yettekkan di temlilit-a rnu ɣur-s askasi i yewwin tiremt n yizem. Timlilit-a d tin i d-yernan mbeɛd tin n useggas 2011 i d-yellan di Zéralda ɣef tjerrumt tanammast akked d tin n Boumerdès yakan di 2010 ɣef uzday n tira. D ayen yeǧǧan ass-a Asqamu Unnig n Timmuzɣa yebɣa ad yaweḍ s anda akken tekres taluft. Imi, iwakken tamaziɣt ad teṭṭef amkan-is deg uɣerbaz neɣ tasdawit yettunefk ad tekseb amawal yezdin tajerrumt d tsekla, mebla ma nettu tira.

D awal dɣa i d-yebder uaray amatu n Usqamu Unnig n Timmuzɣa Y.Merahi uqbel ad bdun lecɣal n temlilit-a, anda i d-yesseḥres ɣef tikli deg ubrid n uzday d useqɛed n yiḥricen yerzan aselmed n tmaziɣt. D rray dɣa i yezdin kra n wid akk yettekkin di temlilit, aya nwala-t deg yisaragen i d-yettunefken. S kra n wid akk i d-yemmeslayen, ɛerḍen akka ad d-awin kra n leryuy ara yessufɣen ɣer tafat ayen akka i d-yesnejmaɛen wid i iqedcen deg unnar n uselmed n tmaziɣt. Mustapha Tidjet seg tesdawit n Bgayet yessukk-d akka tamuɣli wessiɛen ɣef umecwar i d-yewwi uselmed n tmaziɣt d yinadiyen i d-yellan acḥal aya iwakken ad d-ibeggen anerni deg unadi, iwakken ad d-yaweḍ ɣer tallit n wass-a anda i d-yefka nnig n mraw n leryuy ahat ad ilin d wid ara yilin d lmendad i uzday n umawal n tjerrumt n tmaziɣt. Ula d Mahrazi, si tesdawit n Bgayet ula d netta yedda s telqayt deg umeslay-is imi yeɛreḍ ad yesleḍ kra akka n yinadiyen yettwaxedmen iwakken ad ten-icud s ayen yellan deg unnar ass-a. Mačči d yiwen neɣ d sin n yisaragen i d-yewwin awal ɣef taluft-a n uzday n umawal, meɛna askasi i d-yellan d win i d-yessufɣen aṭas n tikta ara yesseddun lecɣal neɣ ahat ara yeldin abrid i temliliyin nniḍen. Djilali Sekhi, si tama-s yewwi-d awal ɣef useqdec n umawal di tneɣriyin anda yesɣar, imi netta d aselmad n tmaziɣt di tmurt n Fransa. Deg wass wis-sin, Salhi Mohand Akli d Ramdane Boukherouf wwin-d awal ɣef umawal n tsekla d win n tjerrumt. Ma yella amezwaru yessudes-d yakan yiwen n umawal n tsekla, wis sin d win yesselmaden tajerrumt di tesdawit n Tizi Wezzu, anda i d-ibeggen tirmit-is deg useqdec n umawal di tanga-a, d wamek i d-yesnulfuy sya ɣer da awalen ur nelli ara yakan. Mačči d win i d-yennan belli akka ara yilin s ya d afella wawalen-a, meɛna yeǧǧa imeddukkal-is d wid akk iqedcen deg unnar iwakken ad walin tifrat iwulmen di cɣel-a. Uqbel ad tekfu temilit-a, aṭas n leryuy i d-yufraren, meɛna ayen i d-yebder Mahmoud Amaoui, si tesdawit n Bgayet, d win i d-ijebden lwelha. Aselmad-a yebɣa yakan ad d-yili Usqamu Unnig n Timmuzɣa di lmendad n widak ara inadin deg temsalt-a n uzday n umawal, ad d-yenejmiɛ wid i iqedcen deg uḥric-a. D ayen iɣef i d-yerra M.Merahi mebla leɛḍil, imi yessuter deg yisdawanen ad as-d-fken yiwen n wahil n temliliyin di teɣzi n useggas 2013 i d-iteddun, iwakken HCA ad d-yessewjed timliliyin. Dɣa ɣef rray-a iɣef tekfa temlilit n Boumerdès.

 

----------------

Tasdawit Mouloud Mammeri

Lexṣaṣ n 1200 n yiselmaden

 

 

Tasedawit Mulud Maɛmri n Tizi Wezzu tettidir leṣaṣ meqqren n yiselmaden ɛla ḥsab n yiwen wulɣu. Tasedawit-a testexdam 1868 n yiselmaden yettukelfen s uselmed n 47 200 n yinelmaden, leḥsab-a d win meẓiyen ma neẓra belli yal aselmad yewwi-d ad iseklef ala s 15 yinelmaden ɛlla ḥsab leqwanin yellan deg temura yegman. S waya ad naf lexṣaṣ n 1 200 n yiselmaden. Iḥricen ideg yella lexṣaṣ: tutlayin tibaraniyin, tadamsa d l’architecture. Ad nesmekti belli asseggas-a azal 8 635 n yinelamen imaynuten i ikecmen ɣer tesdawit Mulud Maɛmri, s waya yewweḍ leḥsab n yinelmaden ar 47 200, 67% deg-sen d tulas.

D.I.      

S. M

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens