ddk
Ar ass-a d wussan,ugin yiqerra n tmurt ad rren tamuγli-nsen γer yiγeblan n tidet i iceγben ilmeẓyen.Di lweqt anida ilmeẓyen fγen-d γer yiberdan akken ad suγen s tukksa n lḥif d leγben ideg ttidiren,imḍebren n tmurt-nneγ fkan-d lwelha am akken εuẓẓgen zdat n wayen ssuturen yilmeẓyen-a.Wa yerra-tt γef leγla n zzit d sker,wa yenna : « arrac-a addal-nsen d cwal ! »,wa yenna : « d lγelṭa n lecyux n lğameε !! »,wa…Cwal akked lexsara yiwen ur ten-yebγi maca wid yellan di leḥkem limer llethan-d d lumur n tmurt,ad ḥsun γef zik belli zdat n ugdal n yinejmuεen d tikliwin n talwit ala timesbaniyin n cwal i izemren ad ḍrunt.Limer bγan sseḥ,mačči d temn chur n rxa n zzit d sker ara isersen afeqqiε n yilmeẓyen yebγan ad idiren tudert n lisser di tmurt n « lεizza wa lkarama ».D lawan ad as-qqimen i taluft n yilmeẓyen ma bγan s tidet ur d-ttuγalent ara tmesbaniyin am tid iεeddan i d-yeglan mebla ccek s lexsara meqqren i tdamsa n tmurt.Ma bγan ad lemden ur ttruḥun ara γef libεid ;dagi kan zdat-neγ,di Tunes,γas ma aselway yerwa aḥellel deg yimesbaniyen,kkes-d s wacu ur ten-yewεid :asirxes n yisufar n wučči,apansyu n ccumaj i wid ur nxeddem ara,astixxer n waṭas n wudmawen n udabu,…Γas akk aya,imesbaniyen ugin ad ḥebsen imi ayen akka s yewεed iεedda-t lawan.
Akken ur d-ttuγalent ara txessarin,yelzem γef yiduba n tmazγa ama d win n Lezzayer neγ win n Tunes ad magren tidet,ad llethin akked wuguren n yilmeẓyen i ten-yerran ḍaqen di tmura-nsen,wa isebbel tudert-is ad yezger lebḥer,wa yerra-tt i ttjara di lehyuf,wa…Ilaq iduba n Tmazγa ad beggsen s lεejlan akken ad llethin d tifrat n wuguren-nsen, imi d nutni i d azekka n tmurt.
Akken ur γellin ara di lbaṭel,am wid iruḥen d iseflan ad ten-yerḥem Rebbi akken ma llan :Lebza Σezdin,Σebdelfateḥ Σekric,Ṭayeb Γaymi,…d wid akk yeγlin di Sidi Buzid,Tala d temnaḍin-nniḍen n Tunes.
Mokrane
