Overblog Suivre ce blog
Editer l'article Administration Créer mon blog
30 décembre 2012 7 30 /12 /décembre /2012 21:11

 

Par DDK |                               

Tizi uzzu : Tamedyazt tadyyanit tamaziɣt deg ussan iɣelnawen n lemdeḥ

 

Tesuddes-d tenmehla n lumur n ddin n tizi uzu s lmeɛawna n tenmahla n yedles, ussan iɣelnawen n lemdeḥ adeyyani amaziɣ, ɣef teɣzi n sin wussan.

leqdic-agi yella-d daxel n tezeqqa n temaɣriwin n wexxam n yedles dda lmulud At Mɛemmer, anda i d-rezant waṭas n terebuɛa n lemdeh si zzawiyat yemgaraden i tekseb tmurt n leqbayel si lejiha, d trebuɛa nniḍen i d-yusan ama si tmanneɣt , Taɣerdayt, d lwilayat nniḍen , s –zyada n lemdeh, tagnit tella-d i yemyura d imusnawen n tseddawin n tmurt- nneɣ i d-yewwin isaragen ɣef usentel n tmedyazt d lemdeh yerzan ddin d wazal-ines di tmetti taqbaylit sumata, ger isental ɣef i d-yella wawal di rrehba-agi, ad d- nebder azal n lemdeh di ṭṭrad megal arumi, azal-ines daɣen deg hareb ɣef tgemmi taqbaylit tineslemt, anda uɣalen imusnawen ɣer ubrid n rrehmaniya i yessawden Faḍma n sumer ad d- terfed leslaḥ megal amenkecam arumi, am akken daɣen i d –yella yiwen usarag s-yur muḥend arezqi ferrad, anda d yuɣal ɣef wazal tesɛa tmedyazt di tnefsit n yemjuhad di tallit n uḥareb megal arumi, yefka-d deg sarag-ines yiwen n umdya yellan d azamul n tallit-nni di tamaḍt n uzeffun, aragaz-agi swalen-as saɛid n at flik, isem-is aḥeqqani jerba saɛid i d-ilullen deg seggas 1883di tamaḍt n ulma gcetum di lɛerc n at flik di tmazyya n uzeffun, isefra-ines iseggen-iten-id si ddin anda yessawal ɣer uḥareb ɣef tmurt d usuffeɣ n weɛdaw, s sseba n tmedyazt yessawal di lawan –nni, irumyen zgan tqelliben fell-as, sbabben –as aṭas n tikwal, d akken d netta i yellan deffir n tenkra n n yemdanen i lejihad , yenna-d arezqi ferrad deg awal-is, amedyaz-agi yura azal n 500 isefra yewwi-d deg-sen izen i lejihad d tdukli s usexdem n wawal n rebbi d wayen d-yenna deg udlis i d-yenzel ɣef nnebi, yessawel s ubrid- agi i ugdud akken ad iwali feransa d aɛdaw ilaq ad d-yeffeɣ maci d lmektub yettuḥettmen fell-aɣ am wakken d nnan kra iṣufiyen, Arezqi ferrad deg sarag-ines yenna ilaq ad yuɣal wazal i yergazen-agi i tenɣa tatut, xas akken llan d azamul n tmusni d uwellah di tallit -nsen.maca amur ameqqran si tsuta n wassa u tesinen ara Asarag_agi ḍefren-t-id isaragen nniḍen yesɛan azal d lmaɛna lqayen, s ɣur imusnawen nniḍen ad d-nebder deg medya said jebbar, ɛebd rraḥman msetfawi d wiyaḍ nniḍen .

Malika qbayli

 

 

Imi tagrest iɛeddan teǧǧa-d ccama...

 

Asenfar n lgaz n temdint di tizi uzu iteddu yetturaǧu ad d-yaweḍ ɣer 90di lmeyya di 2014

Iwekd-d uneɣlaf n ṭṭaqa, mass Yusef Yusfi di tirza-ines n lexudma i t-id yewwin ɣer Tizi uzu ,d akken legaz n temdint di lwilaya –yagi, ad yaweḍ di 6wagguren imenza n useggas 2013ɣer 65di lemyya , utun- agi d win i itturaǧun ad d- yali ɣer 90ɣef meyya, si sya ɣer useggas n 2014,aya ad dyili mi ara fakken yakk isenfaren n lxudma yerzan aḥric- agi i i yellan twɛynen-d ger isenfaren n unegmu i iddan ɣef teɣzi n 5iseggasen2010/2014, issbeggen-d mass Yusef Yusfi deg wawal-is azal yesɛa legaz n temdint deg uḥric n unegmu, maca deɣa imi tewaxdmen isurrifen d iɣezfanen deg wayen yeɛnan aseddu n usenfar n uccuddu n waṭas n yimezdaɣ n tudrin n lwilaya yemxalafen, ɣer ttawil n legaz i isuturen waraw n tizi uzu deg leqider n 1400tudrin i d -iccudden ɣer ɣur-s, deg wayagi tessaweḍ tenmahla teɛna temsalt armi d aseggas- agi, deg wayen iccudden ɣer wallal-agi yuɣalen d agejdan di tudert n wemdan, ad d-sekcem legaz n temdint i wazal n 40alef n tmezduɣin, s-zyada ɣef wanecta yuɣal-d uneɣlaf n ṭṭaqa ɣer wamek yella weḥric-ines di lwilaya n tizi uzu deg seggasen yezrin d wanda yessaweḍ, imi yefka-d azal n 6 teɣiwanin kan i yesɛan ttawil n legaz n temdint si laṣel n 67 teɣiwanin i tekseb lwilaya n tizi uzu , maca aseggas- agi yewweḍ unegmu d useddu n lecɣal yerzan aḥric n ṭṭaqa d legaz ad d- yili di 46 n teɣiwanin i yetabaɛen tizi uzu, s waka i yewweḍ usafar-agi agejdan di tudert n wemdan ass-a ɣer wazal n 121alef d 465 n tmezduɣin, d ayen ara d yefken leqider n 728alef d 790yemdanen i iksben allal-agi di lwilaya n tizi uzu i yettwasnen s idurar-is iweɛren ladɣa deg ussan n tegrest, anda teɣimin imezdaɣ n tudrin i d yezgan ama di Buzgan neɣ Micli arnu ɣur-s aṭas n tudrin nniḍen, mebla isufar ilaqen i tudert iwatan, ama d tagella ama d ayen nnaḍen, aya d yiwen ger wudmawen tedder tizi uzu d tudrin-is deg ussan n tegrest-nni iɛeddan, mass Yusef Yusef deg wanect-a yenna-d d akken twaheyyan-d akk wallalen ilaqen i uqabel n teqqsḥ a n cctwa ma d iyella yuɣal-d ussemiḍ d udfel yecban winn-a.

M.Q.

 

Par Mokrane Chikh |                              

Tadukli Tanaddalt n wat Leɛziz (USAL)

D tamezwarut ɣef uswir n lwilaya n Tubiret

 

Amḍiq-a amezwaru i d-tewwi tdukli tanaddalt USAL n wat Leɛziz i useggas n 2012, yella-d mbeɛd mi d-ufrarent tlata n trebbaɛ n yimeẓyanen yetturanen deg tdukli s yigemmaḍ-nsent ɣef uswir n lwilaya n Tubiret : Tarbaɛt yetturaren deg usmil « juniors » d terbaɛt yetturaren deg usmil « minimes » s lmendad n usleɣmay mass Rachid Bouras, snat-a n trebbaɛ ṭṭfent amḍiq amezwaru ; Tarbaɛt yetturaren deg usmil n « les cadets », i d-yezgan deg umḍiq wis tlata. Ɣef akken i aɣ-d-yemmeslay mass Karim Hannache, yellan d yiwen seg yimḍebbṛen n tdukli USAL : « Arrac-a i d-yewwin igemmaḍ igerrzen i terbaɛt-nneɣ, sɛan akk-nsen aswir ifazen, aya daɣen yella-d ilmend n leɛtab akked lǧehd n usleɣmay-nsen mass Rachid Bouras i ixeddmen seg ul-is ». Ger daɣen n wid iqeddcen ilmend n usenerni n tdukli USAL, Ɛemmi Ssaɛid, netta d asleɣmay n terbaɛt n usmil n «les cadets » i d-yewwin amḍiq wis tlata. Ɛemmi Ssaɛid, Netta d yiwen n wudem yesɛan azal ɣer yiɛeggalen n tdukli d yakk ilmeẓyen n tɣiwant nat Leɛziz imi aṭas i d-yefka i tdukli USAL d waddal s umata di temnaḍt-agi ; ladɣa imi netta d amazzag(spécialiste) deg uḥric n waddal, rnu ɣur-s yella seg yimyuraren iqdimen n terbaɛt USAL. Mass Karim Hannache, netta daɣen qbel ad yili d yiwen seg yimḍebbṛen n tdukli USAL, yella seg yimyuraren ifazen n terbaɛt i iḥemmel s waṭas uzayez, rnu ɣur-s d netta i d asleɣmay n terbaɛt n usmil « minimes » i d-yewwin amḍiq amezwaru i useggas n 2012. Iswi-ines ɣef wakken i aɣ-d-yenna ; yettmenni ad d-yefk ayen akk yesɛa d tazmert d tmusni akken kan tadukli USAL ad teqqim di tqacuct. Aya akk d assirem ɣas ma ttawilat xuṣṣen s waṭas di temnaḍt-a yeṭṭuṛfan, ladɣa ɣef temsalt-a mass K .Hannache yenna : « Nessutur seg yimḍebbṛen n tɣiwant nat Leɛziz ad ggen leqṛaṛ i yilmeẓyen axaṭer d nutni kan i d lsas ; d amedya arrac-agi-nneɣ i d-yufraren, limer ad ten-ɛiwnen ad xedmen igemmaḍ yugaren aya iɣer nessaweḍ s lqella n ttawilat ». Akken ad nesmekti, tarbaɛt n usmil « juniors » i d-yewwin amḍiq amezwaru, tufrar-d sennig n trebbaɛ timeqqṛanin nniḍen, yecban : El Asnam, Djebahia, Kadiria d Taghzouit. Ma d assirem n tdukli USAL i useggas n 2013 ara ilalen, d talɣuɣa n tkurt n uḍaṛ n lwilaya n Tubiret.

Mokrane Chikh

 

 

Aserkraf di tmedyazt taqbaylit

Amdan yettlal d ilelli. Yettas-d ɣer ddunit akken ad yidir di reḥba n tidmi-ines, di lxelwa n lebɣi-ines . Yettalal-d umdan ( yal amdan) akken ad yegg lemqud i yixef-is. Akken « Nekk » ines ad yegmu ddew leɛnaya n cihwa ines akked tamuɣli-ines . Am umdan , igduden ( daɣen) cetlen-d ddew tara n timunent. Ttilin( yegduden) akken ad ggen lmendad i timadit-nsen. Llan akken ad sallin teɣerma ara yeggen leqrar i tudert –nsen. Ulac agdud yegman ddew uzeglu n yegduden yellan d imsehrasen( colonisateurs) . Ulac amdan yuffan iman-is ma yeceg ɣer tudert taklit ( vie d’esclavage)am akken ulac agdud yuffan lbext-is ma yekcem di lqaleb ajenṭaḍ id as d wwin iɣrfan nniḍen. Akken ad yili yal amdan d aɣerman isefk ad yilli d amunen di tikta-s, di tidmi-s, deg afran n uɣanib n tmedurt-is. Akken ad gmun yegduden di lɛez tewwid ad ggen lsas i tmurt deg ara seftin timusniwin-nsen s tultalyin-nsen. D tilelli n umdan i yesufuɣen ɣer tin n uɣraf s lkemal-is. Iduba yessan imurar n tesnaraft (dictature) ɣef lqum, tthibin tilelli umeslay. Ttkukrun imedyazen, izeminiyen, ineɣmasen. Axṣim-nsen d awal, aɛdaw-nsen d tamunsi. Acu kan, ttun d akken yal asekraf xas ulama yekbel ṣṣura, allaɣ akked tidmi ttafen tibujrutin ansi reglen i lqid isen -id -ẓḍen yimfugal n lbaṭel. Deg unamek n wawal yeqqar umedyaz :

Leṣwar zzin

Tewwurt teɣleq

Ur tettwalin widen

Widen yectaq

Iɛec lesnin

Ussan ttin

Lebɣi-s yeɛraq.

Lebɣi n yal ameḥbus d tilelli ! asfilet-ines d terewla. Alas( devoir) n yal anekruf d aseɣras n leqyud it yurzan. Tugdut ur ilaq ara ad teḥnunef zadt n umnar n tasnaraft . Tugdut ( limer d lebɣi) ur tqabel ara tilisa am akken id tt-id yenna Georges Kiejman (yellan d abugaṭu u d aneɣlaf di tmurt n Franṣa) : « tugdut ur ilaq ara ad temderkel ɣef tiderit neɣ a tteknu zdat n rehba n uskaraf ». Ɣer wid yumnen s tikta ɣef acu ttnaḍaḥen, lḥebs ur yeffir ara. Ẓran acu iten yegunin assen deg uɣen abrid yeswanen. Snan rehba leḥbus. Snan acu yegunin win yeɣlin deg tasraft-is. Amek id liḥala win ɣef zzin leḥyud n uskaraf d yiwen usental ɣef i d- tewwi aṭas tamedzyat teqbaylit. Ɣer Lunis Ait Menguellet ( ijerben lḥebs s timad-is) yesmelslid anekruf deg yirfyar agi :

Tebɛeɣ later n win it- yillan

Ṭṭfeɣ abrid at leḥqeɣ

Iḍaren s tikli ḥfan

Ziɣen la tezziɣ tenḍeɣ

Mi nwiɣ wwḍeɣ s ayen yellan

D later –iw ɣed id uɣlaɣ !

Lhejna n umeḥbus tettban akken ilaq deg ifyar-agi. Tugna i d-yefka Lounis d ttin yeɣzen di telqay n yixef n win keblen leḥyuḍ. Ger lebɣi n tilelli akked d tidet yellan, iḍaren (xas lebɣi ɣer tarewla yella) ur yelli s anda ara ṣṣiwḍen. Ixef yeḍha-d yetɛeweq. Tillawt tessa-d terzeg-ines ɣef targit yesbur umeḥbus. Deg akken yedreg ubrid n yimal fell-as tikwal ala urif i s-wacu yezuzun lɣiḍ deg ayeg akken it-gren wussan . « Ah ya ddin qassem » d yiwen usefru deg Muḥya yekcem tidmi n unekruf, akken aɣ immel tirga-ines , lɣiḍ-ines , asḥisef-ines , lefqɛa deg ayeg akken yella , imeṭṭi yesureg teɣzi n wuḍan :

D ameḥbus d bu ikurden

Di Lberwagiya

Ččîɣ aɣrum d aberkan

Di Lberwagiya

Tin akken ǧǧiɣ tettru

Mi ɛeddan leɛwam

Ugadeɣ ad tettu

Ah ya ddin qessem !

Ixef n umekruf ( ɣef i qeflen wussan) icereg. Cčen-t iɣisan. Ṭlam id -as d yezzin yesrewl-it ɣef ayen yellan, ɣef ayen id yettnulfun. Yesxel tagit d tidet. Yeseḥluli amejed akked usirem. Tanekra ines d arajraj, tanafa ines d asderbez. Yekcem umeḥbus tamda n yiman-is. Amwanes-isd agassen-is ( lejruḥ-is) . Arfiq-is d tili n yixef-is. Ackal it-yurzen yeṣɛeb i tulya. Qqaren ( Leqbayel) win yeqqes uzrem yettaged aseɣwan ! Ahat d liḥala-agi i d-yerra Lounis Ait Menguellet deg yifrar agi :

Lwerd ma tecbeḥ ṣṣifa-s

Ass-a ur di yeɛjib a temuqleɣ

Ma ẓriɣ afus s umeqyas

Siwa ackal id tt-mektayeɣ

Ur ttnadit ɣef sseba-s

Innit kan a medden ttɣaḍeɣ !

Deg akken zrin wussan, mebla udem mebla lbena, ameḥbus yegguni isalen ad yekken si beṛṛa. Isalen ara s’id yeggen imraren ara ticudden ɣer tudert, ɣer usirem n tudert . Di lweḥc n timedwa n tussaft ( solitude) yettcewhi tifeswin i d-yesnulfuy deg allaɣ-is amer yisent ad iqazem ihudem yeẓden tasa-s. Ul-is di ccew ihujer yuunad ɣer taddart-is. Ɣer irfiqen n ṭemẓi. Ɣer widen yebɣa lxaṭer-is. Inid n lexyal yewwi-t ɣer wid yeǧǧa deffir-as. Lhewel yettidir unekruf yesneɛet-it –id Matoub Lounes deg ifyar agi yeqazen ixef , yettcelihen tiswin :

Limer zmireɣ ad snesreɣ

Di lɛid a nbedeɣ ɣurwen

A nesseɣ aken-ɣefreɣ

Ay imewlan aɛzizen

Di tafat mi ara nbedeɣ

Xas temcukatem ur wehmeɣ

Mačči d udem si ruheɣ

Ad mililent wallen-nwen.

Seg akken ur yi d- yettɛqel

Mmi ad yerwel felli

Temeṭut-iw n leḥlal

Wissen kan ma ad temekti

Ad asen-sxerbeɣ lecɣel

Ad asen-yeɛreq wawal

Tagara ma nemyeɛqel

Taddart ad teɛjel ɣuri.

Ait Slimane Hamid

 

 

 

 

 

 

 

 

 

 

 

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens