Overblog Suivre ce blog
Editer l'article Administration Créer mon blog
25 mars 2012 7 25 /03 /mars /2012 21:00

 DDK

 

 

Lexyal n Krim Belqasem

Par

 

Teṣebḥit n 19 di Meɣres, ḥakrent wallen s igenni, nudant ɣef yitri anida yella. Neflent akkin i usigna n tatut , ddan d ubeḥri n ccuq , din di ccew ibededd lexyal-is . Udem-is icereg-d tignawt, s tmuɣli usuk tamurt yenuɣnin xemsin isagassen aya. Xas akken yuffa-d kra ur yerkid, nesma n ṛuḥ-is tassakid tafsut menbeɛḍ cceda i d-tenher cetwa s -ideflawen-is yesqujren tiga deg allaɣen n yemdanen. Tagnit teḥulfa s liqqa n tudert yuzlan deg iẓuran n yemɣan yefrawsen i wsulfu n yaqqaren n yiṭij id yehan ɣer yifarawen-nsen lḥamu. Din yekcem Ccna n tudert ɣer yal taxlijt, akkin ṣḍ n teḥdayin yemugren tafsut id yeflalin ihuz tassiwin n yiɣersiwen d yemɣan d yemdanen. Tanfust ɣabben leɛwam taflali-d deg uzmam n tira , tesneɛted belli kra iteddun, kra yedran yezdi yixef-is ɣer 19 agi di Meɣres acku assen i d- ukkin yisɣaren d waman seg ugersel deg iten-yegger lawan. Yuɣaled Krim Belqasem ɣer tarwa-s akken idim n tirugza yuzlan deg tafaka-s, ad yedhen ixulaf i d- yettlalen amer ad qazmen icqiriwen n zzman atrar iten -yegunin. Di lbeḍna, ixef umedyaz yemekta-d asefru :
Aɣ-nɣen yerna aɣ-semḥen
Akken ad d-ttali ciɛa –nsen
Assen jemɛen d iɣasen
Nnan-d n Krim Belqasem
Twallam i xedmen wussen
Ttcublen widen yemuten
Deg asqif n ṭmana yellan d “lalif“ n lhu, d amraḥ n lɛafya, d agni anda zdin lewqat, d tamugent ger yiḍeli akked d wass-a d uzekka i wakken kra n wayen niɣil yenger neɣ mazal ur d yelḥiq , ad yejbu imiren . Ad yerzu akken ad yawwi lmendad-is i yixfawen yeɛyan. Di lhejna n waktay ,braṛḥent wallen ɣef tafrara yifen yal tafrara. Dlant ɣef wass yifen yakk ussan, mlalent d tmuɣli n yizem n tiza, sefrant-d asirem i d -yettwahin i tasuta cihwa n tanfalit aten-yawwin deg ubrid yeṣawaḍen ɣer tezgi n tisas. Tsas s wacu ara rran lewɛara yessan deg abrid ɣer yimald tafasat. Tisas asen yeslamden lebɣi i d- ifetlen isufar s wacu ara qazmen yiḍaren iberden yettawin ɣer liser . Ma di lbeḍna, ihaj usefru:

I nurǧa deg ass-nni
Nɣil ṣṣwab ad yuɣal
Yal yiwen ad yemekti
Cwal at yernu laɛqal
Ded imi itt-yeḥkem ujehli
I neẓra ziɣen mazal

Iman n yal alles n yal tallest yuttuɣal d abeḥri yesirqisen tijawaqin n tudert neǧren ifassen n widen yejlan akkin i lemri n tmuɣli. Tijawaqin deg yuzel nnefs n widen yellan yidneɣ xas ur ten ttwali tmuɣli. Di tillawt irgazen am Krim werǧin jlan acku zedɣen amraḥ isuman ixef n yixef-nneɣ. Mi ten yectaq ad yedlu fell-asen wul, ad yegem seg ulawen-nsen leḥrara n umenuɣ ɣef isehra akked ugamir ( honneur et dignité). Ma di lbeḍna asefru simmal yettijiq:
Nurǧa ma d zwin takka
Ɣef ayen yakk i-iɛaden
Nɣil nmaqqer tura
Ur neḥwaj anwa aɣ yezuɣren
Tidet a nedlu fell-as ass-a
Seg-s ulac d acu ara sneqsen
Yeḍṣa zzman deg wayeḍ. Anda akken i d-yettwagzem ugeṭum n lḥaq i d-yettwenǧer ufurk n lbaṭel. Deg izenqen yeqwa zhir. Lḥir yeṭṭef afus i yemdanen yezuɣer-iten ɣer ugni n ustehzi. Ayen akken i d-yefda leɣla yiwen ur yedli fell-as. Ziɣ tella tmattent tella tayeḍ! Qqaren win yeqqes uzrem yettaggad aseɣwen. Agdud yettwaqsen deg yixef-is, yefka i lḥif azuɣer. Imi agadir yella, tucḍa teshel, yesmenyaf tiqulhatin ɣef tamusni, yesmenyaf timurṣad ɣef umebzan ( rationel), yesmenyaf timucuha yesganayen ɣef tidet yellan. Ur yelli d awezɣi ma Tikwal llan wid yettemnan s rmal ad zḍen amrar, neɣ s wufal ad wten uzal. Xas ulama gtent yehdumen di lbeḍna asfru yezuzufen yir asigna, werǧin yendim deg ayen yenna:

Tura riwaya tfuk
Yal wa temuɣli is- yefka
Ma d win iḥadqen icuk
Fell-as ur telli tufra
Ma ass- a d nutni i d- lmuluk
Cciṭan am nutni i yegga !

 

 

 

Ass agraγlan n useklu

Par

Tiddukla ‘’AJIE’’ n Tizi Wezzu d yiwet gar tiddukliwin yesseḥbibiren γef ugama. Kra n usenfar i texdem neγ ara texdem yesεa akk assaγ akked ugama. I wakken dγa ad d-tesmekti ass agraγlan n useklu s lxedma mačči kan s wawal, tefka ttiεad akked yinelmaden n taddart ‘’Azemmur n Meryem’’ n tγiwant n Tirmitin di Tizi Wezzu γer ufras n kra n yimukan u γer tuẓut n waṭas n yisekla. S lferḥ d ameqqran i d-qublen yinelmaden n taddart-a cγel-agi xas ulamma ssḥasfen aṭas yimḍebbren n tiddukla imi ur d-usan ara yimdanen imeqqranen. ‘’Acḥal-aya seg-mi i asen-nenna. Nger-d tiγri i taddart merra, meεna aql-iken la tettwalim, ulac ula d yiwen. Ula d aselway n tγiwant ur yeṭṭif ara deg wawal-is.’’ Akka i aγ-d-tenna yiwet gar temḍebbrin n’’AJIE’’. Ma d Ali Yahiaoui, yenna-d :’’limer d lebγi, leqdic-a ad yettili yal ass. D lawan ad fiqqen medden s lfayda n tjur akked tezdeg.’’
Ihi, mebεed mi fersen u ssazedgen imekwan-nni yeččuren d ammus ladγa tiqreεtin n lbira d ccrab, ruḥen γer uxxam n yilmeẓyen d yiγerbazen ẓẓan din tjur.
Di taggara, nnan-d kra n yinelmaden :’’nebγa ad ticbiḥ tmurt-nneγ. Ad asen-iniγ i lγaci ur ṭṭeggiret ara ixucan di lqaεa axater yettawi-d lehlak. Ilaq ad ten-sqeεden di les poubelles, ad rren lğağ weḥd-s, plastik weḥd-s…’’ ’’Neẓa tjur axater sεant aṭas n lfayda.’’

 

 

 

 

 

Tamsirt n umezruy deg wass n umezruy

Par
I wakken ad yeqqim wassaγ i lebda gar yimeγrasen n tegrawla n 54 akked tsuta n tura, tiddukla n yimawlan n yinelmaden s lemεawna n yimḍebbren n uγerbaz ‘’Atmaten Moula’’ n Tala Athmane thegga-d yiwet n tirza γer usalay (musée) n yimeγras n temdint n Tizi Wezzu ass-nni n 19 di meγres 2012. Ihi fursen tagnit yimawlan n warrac-a imi arraw nsen llan deg yimuras n tefsut u ass-nni n 19 di meγres d ass yesεan azal ameqqran deg umezruy n Lezzayer imi deg wass-nni i yeḥbes umennuγ, teḥbes lgirra, i wakken ad xedmen tirza-agi. Γef wakken i aγ-d-nnan, d tikelt tamezwarut i deg-i ffγen yinelmaden-a berra n uγerbaz, d tirza tamezwarut. Aya yessefreḥ nezzeh arrac-nni daymi teddun cennun tizlatin i lemden γer tselmadt nsen n tmaziγt. Mi wwḍen γer umekkan, sersen tameqqunt n yiseğğigen deg usebdad (monument) syin, u s lmendad n yimḍebren n dinna, uγalen γer uwali n temsikent-nni yellan deg usalay-a. Yal tikelt yettili-d umeslay γef wayen ttwalin neγ γef yisteqsiyen n yinelmaden. Dγa, di tugna-agi i tettwali, yella-d umeslay γef umezruy n temsrifegt-agi n lgirra.
Di taggara, u εlaḥsab n wayen i aγ-d-nnan, lemden-d warrac timsirin n umezruy xir n tid-nni i wumi sellen kan gar 4 n leḥyuḍ n uγerbaz. Anwa yeẓran, ahat ad ilin deg-sen wid ara d-yelhun s tira n umezruy s timmad-nsen mačči kan d wiyaḍ ara yettarun amezruy-nsen.

Hocine.M

Partager cet article

Repost 0
Published by iflisen - dans Kabylie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens