Overblog Suivre ce blog
Editer l'article Administration Créer mon blog
2 octobre 2011 7 02 /10 /octobre /2011 00:52

 

 

Ǧamila n Tferka

Seg Wikipedia
Neggez ar: ẓer isebtar, anadi

Ǧamila n Tferka d yiwet n tamedyazt tazwawt ifazen. Tlul-d deg taddart n Ayt Yemɣur, deg tɣiwant n Amecṛas di tama n Buɣni (Tizi Wezzu). Tura yiwen n wedlis umi tsema Tiregwa n Nnfiḍ. Atan wayen yura fellas uneɣmas Salem Amran n weɣmis n Dépêche de Kabylie, di Yebrir 2007, tasuqilt sɣur Omar MOUFFOK.


Aṭṭuqqet n lxir ur yettḍurru. Akk-a ay as-yeqqar yiwen n wanzi inefεen deg wakk inurar n tudert, ladɣa deg wenrar n tmaziɣt, imi s kra n wedlis ara d-yeffɣen s yiles-a, nesteṛḥib yes-s imi ara yejj tamaziɣt ad taf amkan-is u ad tejhed.

Ussan-a, yeffeɣ-d wedlis n yisefra n Djamila n Tferka, tamedyazt-nni yettwassnen deg tesgilt (nnuba) n « Tamedyazt war tilas », ay d-yettqeddim Muḥand Taferka deg BRTV.

”Tiregwa n Nnfiḍ”, ammud (recueil) n Ǧamila, d Muḥand Taferka s timmad-is ay as-d-yuran timsegrit (post-face) ay deg nezmer ad nɣer Ttawil inefεen akk ay tesseqdac tmeṭṭut taqbaylit akk-n ad d-tessiwel ɣef ddunit d yiɣeblan-ines netta d isefra. Ǧamila n Tferka tessen amek ara d-tecnu kullec s usefru, u tid yettgen am nettat, tikkwal yettwakkes-asent wawal.

Adlis n Ǧamila yesεa 180 n yisebtar yernu ulac deg-s tisuqilin (asṭerjem) ɣer tefṛensist (akk-n nennum nettaf deg kra n wammuden n yisefra niḍen). Taqcict-a tlul-d deg taddart n Ayt Yemɣur, deg tɣiwant n Amecṛas (Tizi Wezzu). Deg wammud-ines, tefka Ǧamila amur ameqran i tayri akk-n ad d-tessken i medden dakk-n ɣas ma yella nesmeεreq nettu-tt, tayri dima tetteqqel-d, dima nesmektay-itt-id. Dɣa, Ǧamila tcennu ɣef wakk idisan n tayri, ula ɣef uḥemmel n tayri u mi ara nɣer isefra-ines, ur nettḥulfu i trutint, wala i uεiwed. Isefra n Ǧamila ccuṛen d tamitafuṛt akk d tugniwin n tmedyazt.

Deg usefru-ines ”Mi iḍaq ṛṛuḥ”, teqqar-d :

 Aman leḥḥun deg lqaεa Mi iḍaq seg-i Ccwal selleɣ-as yettεeyyiḍ Taṛwiḥt ihennan, temḥa  

Tettkemmil :

 Ur zmirent tejmilin Lxir-ik ad ak-t-rrent Neɣ aḥriq n tjejjigin Yal ass ma hdiɣ-ak-tent Ad yettwalas wul ddin  

Tamuɣli-a tumliḥt ay tesεa Djamila teddukkel d tmussni-ines ijehden deg teqbaylit. D ay-a ay d-yettafken isefra ẓiden i tɣuri.

Nnig temsalt n tayri, Ǧamila Taferka tessawal daɣen ɣef tmedyazt s timmad-is, ɣef tegnit n tmeṭṭut, ɣef waḍḍan, ɣef tmetti (société), ɣef lḥif, ɣɣef tudert, ɣef talwit d waṭas n tlufa niḍen.

Deg way-n yerzan tamṣukt (structure), Ǧamila tebna isefra-ines s yiberdan yemgerraden. Kra deg-sen d iskendriyen (alexandrins), maca tebna-d daɣen ifyar (vers) s 8 n tunṭiqin (octosyllabe), akk d yisefra itteddun s ṛebεa yefyar neɣ s ttesεa yefyar. Tameɣrut (rime) n Ǧamila d tin ay deg teṭṭuqqet temṣ̣ukt n AAB, u tesseqdec tameɣrut tanmidegt (rime croisée).

Yessefk ad d-nger tamawt dakk-n Djamila tesseqdec aṭas tamitafuṛt deg yisefra-ines, u llan kra deg-nsen, deg wezwel-nsen (titre) yagi ad tt-naf am “Ajejjig n Lekdeb”, “Tabrat i zzheṛ”, “Snulfu-iyi-d”.

Ammud-a (recueil) tessuffeɣ-it-id Djamila i ddemma-ines, d acu kan , tettekka deg-s BRTV. D tiẓrigin ”Le Savoir” [Tizi Wezzu] ay t-id-yessuffɣen. Axxam-a n ussuffeγ n yedlisen, melmi kan ay d-yebda leqdic u la yettnerni cwiṭ, cwiṭ.

Ǧamila n Tferka, tesεa daɣen zzheṛ imi argaz-ines, Salem Saεd, yebded s idis-is, yettεawan-itt. Tanaẓurt-a la tt-yettṛaju waṭas n lxir ɣer sdat. Ihi a Ǧamila, ɣas faṛes !

Partager cet article

Repost 0
Published by iflisen - dans Tamazight tatrart
commenter cet article

commentaires

ARDOGAN 26/12/2011 12:42

http://www.facebook.com/profile.php?id=100002304875064&sk=notes
LA TURQUIE DEVRA TENIR COMPTE DE LA PETITION ALGERIE VERSEE AU SERAIL
http://www.facebook.com/photo.php?fbid=118906768202224&set=a.108005862625648.15080.100002487054329&type=3&theater
DEPOSITION DE PLAINTE DEVANT EXTRADER
http://islamic-intelligence.blogspot.com/2008/02/operation-november-1950-sarkosy-olmert.html
NICOLAS SARKOZY ET EHUD OLMERT VERS LA COUR PENALE
http://www.facebook.com/profile.php?id=100002708071766&ref=mf#!/profile.php?id=100002698570749
INTERNATIONALE POUR CRIME
http://www.facebook.com/photo.php?fbid=101235639984728&set=a.101230583318567.918.100002948762154&type=3&theater
DE GUERRE CONTRE L’HUMANITE
http://islamic-intelligence.blogspot.com/2008/01/operation-november-1950-la-france-est.html
SITES MAINTENUS PREUVES CONSERVEES RAISON D'ETAT
http://www.facebook.com/profile.php?id=100002304875064&sk=notes

http://www.facebook.com/profile.php?id=100002708071766&sk=notes


http://www.facebook.com/profile.php?id=100002708071766&sk=notes

http://tipaza.typepad.fr/mon_weblog/2010/01/khalida-toumi.html
http://www.djazairess.com/fr/liberte/89858
http://iflisen2008.over-blog.com/article-ahmed-ouyahia-violemment-somme-par-une-journaliste-kabylophobe-de-ne-pas-repondre-en-kabyle-85624265-comments.html#anchorComment

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens