Overblog Suivre ce blog
Editer l'article Administration Créer mon blog
2 août 2009 7 02 /08 /août /2009 20:59
DDK 3 aout

Tidukla Tadelsant Adrar n Fad
Bgayet d tamnaḍt-is n usamer deg “le guide 2009”

Tessufeɣ-d Tdukla Tadelsant Adrar n Fad n At Smaɛil amnir (un guide) s tefransist ɣef wayen yerzan timerrit di Bgayet d tamnaḍt-is n usamer, iwmi tefka azwel : Béjaïa et sa région Est, Le guide.

Amnir-a yella-d iwakken ad yesnerni tamusni n yimerriyen ɣef leɛwayed, tiqsiḍin, imukan akked umezruy n kra temnaḍin n usamer n Bgayet. Gar-asent : Tici, Buxlifa, Awqas, Tizi n Berber, Ssuq Letnin, Melbu, Dergina, Tamriǧt, Taskeryut, At Smaɛil, Xerraṭa, Draɛ Lgayed, mebla ma nettu Bgayet. Yuɣal-d “le Guide” di yal tamnaḍt ɣer umezruy-ines d leɛwayed d yimukan icebḥen n tmerrit, s tteswirat i d-yeskanen ccbaḥa n yimukan-a.

Tajmilt d tameqqrant i tdukla tadelsant Adrar n Fad n At Smaɛil i ixedmen iwakken ad yeffeɣ amnir-a ɣer tafat s lexsas n ttawilat. S wakken, iɛeggalen n tdukla ur zzuxxen ara maca nnan-d kan : “Malgré le peu de moyens dont elle dispose, l’association Adrar n Fad a relevé la gageure de réaliser un ouvrage, qui n’a pas la prétention d’être accompli, certes, mais qui a le modeste mérite d’exister.” Tanemmirt i Tidukkla Tadelsant Adrar n Fad.

Djouher.C – Amastan.S



Soraya Heddad, tamyurart taɣelnawt n Judo
Ayɣer ur teddi ara ɣer Prescara ?

 usmekti, tarbaɛt taɣelnawt n Judo truḥ ɣer Pescara ilmend temliliyin n wurar agrakal (les jeux méditerranéens), s yimyurar ifazen anagar Soraya Haddad ur neddi. Ayɣer ?

Nerza ɣer Leqser, tamdint anda tezdeɣ Soraya akken ad tt-nesteqsi ɣef tsebbiwin i tt-yeğğan ur teddi ara. Zzher ur yelli yid-neɣ imi ur tt-nufi ara ; meɛna, ẓelmeḍ-yeffus, nḥucc-d kra yisallen fell-as.

Akken d-nnan, d kra wuguren akked wid yeṭṭfen tarbaɛt taɣelnawt i yeğğan tin yewwin talɣuɣa n tefriqt, tin yewwin la médaille de bronze deg turart n olympiques deg Pékin, Soraya Heddad, ur truḥ ara ɣer Prescara imi teṭṭef deg wawal. Tamyurart i d-yufraren n Judo deg tmurt-nneɣ ur teqbil ara ad tili ddaw tesleɣmayt n terbaɛt taɣelnawt Salima Souakri. Tessuter amer ad tt-tefhem tfidiralit n judo, ad tesɛu asleɣmay ara tt-yeṭṭfen iman-is kan imi teḥwaj yiwen i izemren ad as-d-yernu kra akken ad tsirem tmurt-nneɣ ad as-d-ternu cciɛat-nniḍen deg temliliyin i d-iteddun.

Tafidiralit n Judo, yenced-d yelli-s n Yemma Guraya, Soraya Heddad, ɣer yiwet n temlilit akken ad ɛerḍen ad d-afen tifrat i wugur. Dɣa, ulac win ur neẓri belli Salima Souakri d Soraya Heddad ur ttmifhament ara seg zik, seg wasmi llant d timyurarin i snat.                    

                                                                                                



Tadmait
Ar melmi asewjed n ubaraj n Yiḥidusen ?

Asenfar n usewjed n ubaraj  deg tudrin Iḥidusen d Tlata i-d yezgan gef teɣzi n 20 km deg unẓul n tɣiwant n Tadmait i yettwajerden ad yili deg useggas n 1980, ata-n yefka-t unebdu i lexrif, imi, 29 n yiseggasen aya, kra ur d-iban fell-as. Abaraj-agi yettwahegga ad yettusbed deg umḍiq  iwumi qqaren « Asif n Tetlata » anida yella wakal n tfellaḥt deg yizuɣar n Yiḥidusen. Di tazwara, bdan yakan lecɣal n uweṭṭi n wakal, d acu kan kra n wagguren mbeɛd, kullec yeḥbes, ḥed ur iẓri d acu i d ssebba. D ayen i yeǧǧan imezdaɣ, ṭṭaqqa deg-sen d ifellaḥen, irkeb-iten lɣiḍ, uysen ayen akken iɣer ssaramen acḥal d aseggas.  Ad d-nerr lwelha belli taɣiwant n Tadmait ideg llan waṭas n yizuɣar, d tin yettidirin deg lexsas n waman. Si tama nniḍen, akal deg ara yewjed usenfar- agi d win yeqqimen d lbur azal n 10 n yisegasen- aya, d ayen yeǧǧan imawlan-is ssutren tuɣalin-is ɣer yifassen nsen.

  Dalila I

Partager cet article

Repost 0
Published by iflisen - dans Tamazight tatrart
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens