27 juillet 2009
1
27
/07
/juillet
/2009
01:20
Ay asif ugaryun
Iččan i tγezwa akw leqrun
Aman-ik luγen
Zun d amuṛej n waḥḍun
Igṭaṭ akw la trun
Ṛγant tẓegwa deg icenun
i-yi γaḍen d azgaεbun
inumen taseṭa n cilmun
Ay ul-iw ay ameγbun
iksan di lexla am userdun
Neẓṛa akw win i-t ixellun
Si Melbu almi d Aẓeffun
A Ṭawes ma ttin i serrun
Kker zik am uyamun
Tinṭ asen amar ad kukrun
Neγ ad amnen at ṭṭnun
Kkateγ lmεani s rrzun
Aken ad am illiγ d asmun
Si zik i ffγen si lqanun
Am nutni am iggi izelun
Ay asif ugaryun
Ggwadaγ i d-yettnulfun
Cek ar d ak zlun
Nek iban ad yi nfun
Partager cet article
