Overblog Suivre ce blog
Editer l'article Administration Créer mon blog
24 mars 2009 2 24 /03 /mars /2009 23:07

Ilmend n Tfaska n tmedyazt





Aziḍuḍ

Limmer d aziḍuḍ i lliγ
D aya i ttmenniγ
Adrar n Fad at awḍaγ

Teẓram akw zik id nfiγ
Ur d-ttaseγ ur d-ṭṭiliγ
S agafa nekk i nejlaγ

Ğğiγ akal anda d-gmiγ
Mačči d ayen iwεiγ
Mi ğğiγ akw widak ḥemlaγ

Ulac tamurt wer d-ekkiγ
Akud ur t-γwiγ
Ay abrid ur frinaγ


--------------------------------
Aokas

Azul fellawen s waṭas
Ay at Aokas
Imi d aγ-d terram tiγri

Ay isaḥliyen at tissas
Awal n at Abbas
S igenwan a-t nesalli

I Yemma Tadrart innt-as
Di Paris mm leqwas
A-s nerr tajmilt irkulli

S tassaḥlit xas ḥawelt-as
Cahh d nuba-s
D iles i-d tṛebba tlelli

Guraya fellaγ d aεsas
Ad azfent tirwas
Asfel ennaγ di tdukli


--------------------------------------------------

Timura n meden weεrent

Ay ul yettnujen am aḍu
Ttimura m-meden iεenuγ
Asen m ddiγ d ubandu
Taṣṣebḥit tignewt tluγ
Mi-d tufeg yiss-i laviu 
Greɣ tiṭṭ ar deffir ruγ

Ay ul yetthajen am ilel
Ttimura m-meden i-ferneɣ
Limmer iččiɣ iɣed n Teryel
Asen bbwas an uɣaleɣ
Wa' d nefu ur nesεi asfel
D aymi iyi-d tufam bateɣ

D rray-iw n bla ameksa
I-yi nfan seg Iflisen
Aqli-n i temrikt ugafa
Mm-ugris d imerḍilen
Zik nettunag ɣer fransa
Tura nfel i-ygarawen

Aqli-yin i temrikt ugafa
Agris igezzem am lmus
Limmer i tadart ufella
Ad knuneḍeɣ deg ubernus
Rewleɣ d si tmurt n baba
Ǧğiγ d adriz-iw messus

Aqli-yin i temrikt ugafa
La beṭṭuɣ aɣrum s lmus
Asmi i-yi tuɣ ar yemma
D seksu ifetlen s ufus
S lḥess i-ɣ teẓẓad tujjma
Nejla aṭṭas mačči drus

Di ruplan nig ugaraw
Juin 2008
[

-------------------------------
TULLIANUM

A tamurt ičča umcum
si tallit n Ṛum
Tenefqad fellam talwit

Mi yekker ad yazef ulemlum
D ayen wer nettdum
Tuqna n tiṭṭ ttameddit

Nesbek deg yirr laḥkum
Nezga deg lahmum
Agdud yeṛwa tawaγit

Ula d nekwni d yirr lqum
Nuγal nessusum
La nettawi tamdellit

Awid yeṛdem unezggum
Mačči d ayen anγum
Ur nezmir ad nerr tiqit

A lbaz uzlig n uqamum
Deg-genni xas ḍum
Ar wid yeṭfen di tjaddit

Uḥeq anza n Tullianum
Id yefγen si Ṛum
Ar ttidireḍ a taqbaylit

Crête, 2001

-------------------------------------------------

Tid d wid yuklalen llza


Riγ ad anzeγ fellawen
kenwi ay ilmeẓyen
i-γ d-yerran tirugza

Teğğam icenga ggugmen
ur yexdiε yiwen
telez yiswen Tmazγa

D imenfa neγ d iγriben
aqlaγ akw yidwen
ur-s qqaret netruza

Yal tamurt nsuγ asen
slan yakw meden
yahwa-yaγ yerna nγeza

Tessisemḍ-em ulawen
skud mazal ddren 
tid d wid yuklalen llza

Nbedded abrid-a am yiwen
neḍḥad d atmaten
xas nemferzaε di tmura

Nekkes tigwdi i-γ yurzen
nbaned γer meden
slan akw leğnas meṛṛa

Barcelone, 2002



Ukerdis
Montréal, Canada

Partager cet article

Repost 0
Published by iflisen - dans Poésie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens