Overblog Suivre ce blog
Editer l'article Administration Créer mon blog
20 décembre 2008 6 20 /12 /décembre /2008 00:37


Mazal la ttadren wussan. Alma d 21 duğembiṛ aken ad tuγal tafukt , ad bdun ad ttnejbaden wussan.

Adfel yewet s uzayeḍ
ata-ya yiwen n ugris iserrer d icemcaṛen


Tanekra n ṣṣbeḥ tewεaṛ
agris igezzem am lemqes
Cciṭan idal iyi
la yi qqaṛ mazal ṭṭes
a wi'yufan d azerẓuṛ
Γurem a tizi ad iγewwes


Nnan-d yewet wedfel di tmurt. Ladγa nig 300 m.
Tizi Γennif : 387 m
Tala Yaεla : 636 m
Aït Xelfun : 707 m
Ameddaḥ : 922 m
Sidi Ali Bunab : 822 m

Yerna aseggwas-a yuru uzemmur. Di Aït Σemran bdant lemεaseṛ la ẓadent aḥlalad (olives ramassées précocement; tombées). 



Adfel yuten d aftatas
γef tizi iḥawl-as
tiγilt yezuzef-itt waḍu

yessa-tt almi d At Σebas
yeṛẓa-d tifiras
yerna ččina deg Aγbalu

Tenna-k argaz d amesas
amγaṛ d aεesas
ig-guran deg ixf inu
(Inspiré d'un poème kabyle recueilli pas Adolphe Hanoteau 1867)



Adfel ikkaten issa-yas
taxwnaqt iḥawel-as
tiγilt ihebbel-itt waḍu

abeḥri imḥa tifiras
tidal n At Σebbas
d ččina w-Weγbalu

Σeddi-d ssin f lḥaṛ-as
i teεzizt tinṭ-as
ig-geṭran d lbext-inu
(Si Lbachir Amellah 1861-1930)

Adfel ikkaten s ssmaṭa
agris iγeṭṭa
lγim iqṭeε iberdan

adrar irra-t d luṭa
isγers taseṭṭa
letmaṛ-is akw it lman

issaweṭ-itt armi d Malṭa
ixdem ssixṭa
teṭra lwexda g Ṭelyan

(Si Lbachir Amellah 1861-1930)


Adfel ikkaten irennu
agwris izellu
ssem-is iγleb tisuqas

Aseklu εlayen ad yeknu
aẓar irekku
am aken izedγ-it maras

(Si Lbachir Amellah 1861-1930)


Iwwet udfel d aḥṭaṭac
irẓa d tifurkac
ger lmeγreb d lεica

Iwwet deg udrar s asif
yuli f usγeṛsif
igwra-d deg At Buxalfa

Ur izwiğ ḥed lmetl-is
kulwa d zzehr-is
i gelhan d leqniεa

Adfel iwten imelles
kul tizi tegwres
d axwnaq izzuzer-as waḍu

yerẓa-d amgud n ifires
d abeqri yeḥbes
yerna d ččina deg-gweγbalu

Win ur nesεi asuṛdi neγ uneṣ
izha lxateṛ ines
yeḍmaε a-t-id yas ḥellu

--------------


Ay isγi bu lefrayes


id yusan qbel maγres
effk i tijujaṛ iγes
ad-ak effk-aγ tid t-tmes

Ay isγi ay amellal
id ijban Tizi Σemal
ay ajeğğig n camlal
id yettnekaren deg usamar
nefraḥ mi yidek nemlal


Partager cet article

Repost 0
Published by iflisen - dans Poésie
commenter cet article

commentaires

Présentation

  • : La confédération des Iflisen Umellil
  • : Un des objectifs est de reconstituer la grande confédération qui regroupait les 14 aarchs des Iflisen Umellil avant la colonisation française. Le but est de rétablir les liens interrompus et de promouvoir la solidarité inter-arche. Nous visons également à consolider les liens entre la diaspora et leur région d'origine. Réecrire l'histoire des Iflisen et préserver leur patrimoine matériel et immatériel .
  • Contact

Recherche

Liens